Եվրոպական միության իրավապահ մարմինների վերապատրաստման գործակալության (CEPOL) աջակցությամբ ՀՀ ՆԳՆ կրթահամալիրում իրականացվող «Միգրանտների ապօրինի տեղափոխում» թեմայով դասընթացի շրջանակներում ապրիլի 21-ին մասնակիցների համար կազմակերպվել է ճանաչողական այց ԳԱԱ «Փորձաքննությունների ազգային բյուրո» ՊՈԱԿ:
Այցին մասնակցել են ՀՀ ներքին գործերի նախարարության, գլխավոր դատախազության, քննչական կոմիտեի, ազգային անվտանգության ծառայության, պետական եկամուտների կոմիտեի, ինչպես նաև միգրացիայի և քաղաքացիության ծառայության ներկայացուցիչները:
Դասընթացի մասնակիցները ծանոթացել են ՀՀ ամենախոշոր դատափորձագիտական կազմակերպության գործունեությանը, իրականացվող փորձաքննությունների տեսակներին, տեխնիկական հագեցվածությանը և միջազգային համագործակցության ուղղություններին:
Այցի ընթացքում Փորձաքննությունների ազգային բյուրոյի փաստաթղթաբանական փորձաքննությունների բաժնի պետ Արսեն Բաղդասարյանը մասնակիցների համար անցկացրել է վարպետության դաս՝ անօրինական միգրացիային առնչվող կեղծ փաստաթղթերի փորձաքննությունների առանձնահատկությունների վերաբերյալ։
Փորձագետը ներկայացրել է փաստաթղթերի և դրանց ռեկվիզիտների հետազոտման ժամանակակից գիտական մեթոդները, փաստաթղթաբանական փորձաքննությունների իրականացման ընթացքում կիրառվող ժամանակակից սարքավորումների և ծրագրային ապահովումների միջոցով փաստաթղթերի պատրաստման եղանակների և իսկության որոշման հետ կապված առանձնահատկությունները:
Բաժնում կատարված շրջայցի ընթացքում մասնակիցներին գործնական օրինակներով ցուցադրվել է հետազոտման արդյունքում անձնագրային և ճամփորդական այլ փաստաթղթերի կեղծիքների բացահայտման գործընթացը:
Փորձաքննությունների ազգային բյուրոն, կարևորելով ԵՄ իրավապահ մարմինների վերապատրաստման գործակալության հետ արդյունավետ համագործակցությունը, պատրաստակամ է նպաստել իրավապահ մարմինների և ոլորտային աշխատակիցների մասնագիտական կարողությունների շարունակական զարգացմանը և գիտագործնական հմտությունների կատարելագործմանը։

Շարունակելով դեռևս 2019 թվականից ձևավորված գործընկերային կապերը՝ ապրիլի 15-ին Փորձաքննությունների ազգային բյուրոյում հյուրընկալվել էին վրացական «ABM» ընկերության գործադիր տնօրեն Ալեքս Խեթերելին, «ABM»-ի ներկայացուցիչ Վաժա Գելիաշվիլին, «Thermo Fisher Scientific» ընկերության ներկայացուցիչներ Ակակի Պետրիաշվիլին և Կումար Սատենդրան։
Այցի շրջանակներում միջազգային գործընկերները հանդիպում են ունեցել Բյուրոյի ղեկավար և փորձագիտական անձնակազմի հետ։ Հանդիպման ընթացքում քննարկվել են Բյուրոյի դատագենետիկական փորձաքննությունների բաժանմունքի ընթացիկ գործունեությանն առնչվող հարցեր, ինչպես նաև նախանշվել են դատագենետիկական փորձաքննությունների ոլորտում համագործակցության ընդլայնման հնարավորությունները՝ այդ թվում՝ մոլեկուլյար-գենետիկական ուղղությամբ նոր փորձաքննությունների իրականացման հեռանկարները։
Հանդիպման շրջանակներում քննարկվել են 2026 թվականին համատեղ իրականացվելիք ծրագրերը` այդ թվում դատագենետիկական բնագավառի փորձագետների մասնագիտական վերապատրաստման գործընթացում միջազգային գործընկերների աջակցության, փորձի փոխանակման և տեխնոլոգիական համագործակցության հնարավորությունները։
Փորձաքննությունների ազգային բյուրոն կարևորում է դատագենետիկական փորձաքննությունների ոլորտում միջազգային առաջատար ընկերությունների և բարձր որակավորում ունեցող մասնագետների հետ ակտիվ փոխգործակցությունը։ Նման համագործակցությունը միտված է Հայաստանի Հանրապետությունում դատափորձագիտական գործունեության տվյալ ուղղության շարունակական զարգացմանը, փորձագիտական հավաստի արդյունքների ապահովմանը։

ՀՀ ԳԱԱ «Փորձաքննությունների ազգային բյուրո» ՊՈԱԿ-ի ներկայացուցիչները ապրիլի 17-ին Երևանում մասնակցել են Ռազմավարության և զարգացման միջազգային կենտրոնի (Թբիլիսի) կողմից կազմակերպված «Միջազգային պատժամիջոցների համապատասխանություն» (International Sanctions Compliance) թեմայով մասնագիտական վարպետության դասին։
🇺🇲 Դասընթացը վարում էր միջազգային ճանաչում ունեցող փորձագետ, ԱՄՆ-ի Արտաքին քաղաքականության հետազոտությունների ինստիտուտի (FPRI) անդամ Մաքսիմիլիան Հեսսը (Լոնդոն)։
Վարպետության դասին հանգամանալից անդրադարձ է կատարվել միջազգային պատժամիջոցային ռեժիմներին, դրանց շրջանցման եղանակներին, պետական և մասնավոր հատվածների վրա պատժամիջոցների ազդեցության, անվտանգային միջավայրի շարունակական կատարելագործմանն առնչվող հարցերին։
Մասնավորապես, քննարկվել են կեղծ ընկերությունների միջոցով ֆինանսական հոսքերի կամ իրական շահառուների թաքցման սխեմաները,  փողերի լվացման ժամանակակից միտումները, պատժամիջոցների շրջանցման մեխանիզմները բացահայտելու ուղիները։
Մասնակիցները ծանոթացել են «ճշտգրիտ ստուգման» (Due Diligence) ժամանակակից գործիքակազմին, որն անհրաժեշտ է թվային հետքերը ջնջելու, ինչպես նաև տարբեր ֆինանսական գործիքների (օրինակ՝ «խառնիչների» կամ crypto-mixers) միջոցով իրական շահառուներին թաքցնելու փորձերը բացահայտելու համար։
Դասընթացի ավարտին մասնակիցները ստացել են մասնակցության հավաստագրեր։

«Փորձաքննությունների ազգային բյուրոյի» տնօրենի գիտության գծով տեղակալ Պատվական Ոսկանյանը մարտի 13-ին հեռավար ձևաչափով մասնակցել է Եվրասիական տնտեսական հանձնաժողովի (ԵՏՀ) Տեխնիկական կարգավորման և հավատարմագրման դեպարտամենտի աշխատանքային խմբի հերթական նիստին։ 
Հանդիպման ընթացքում քննարկվել է Մաքսային միության «Ավտոմոբիլային և ավիացիոն բենզինի, դիզելային և նավային վառելիքի, ռեակտիվ շարժիչների վառելիքի և մազութի պահանջների մասին» տեխնիկական կանոնակարգում (ՄՄ ՏԿ 013/2011) փոփոխություններ կատարելու նախագիծը։
Նիստի ընթացքում աշխատանքային խմբի անդամներն անդրադարձել են վառելիքի որակական հատկանիշների ստանդարտացմանը և տեխնիկական կանոնակարգերի արդիականացմանը:
Մասնավորապես քննարկվել են վառելիքի տարբեր տեսակների նկատմամբ սահմանվող պահանջների հստակեցմանը, միջազգային չափանիշներին համապատասխանության ապահովման մեխանիզմներին, վառելիքի լոգիստիկ շղթայի բոլոր փուլերում՝ տեղափոխման և պահպանման ընթացքում որակական հատկանիշների անփոփոխելիության վերահսկողությանը, արտադրանքի որակը հավաստող ուղեկցող փաստաթղթերի տրամադրմանն ու դրանցում ներառվող տեղեկատվության հստակեցմանը, ինչպես նաև փորձաքննությունների և լաբորատոր հետազոտությունների մեթոդաբանության կատարելագործմանը վերաբերող հարցեր:
Աշխատանքային խմբի նիստի արդյունքներով նախատեսվում է ամբողջացնել փոփոխությունների վերջնական նախագիծը՝ հաշվի առնելով անդամ պետությունների փորձագիտական դիտարկումներն ու առաջարկությունները:
Նմանատիպ քննարկումները հնարավորություն են տալիս ձևավորել միասնական մոտեցում, համադրել ԵԱՏՄ անդամ երկրների փորձագիտական ներուժը և ապահովել արտադրանքի անվտանգության ու որակի բարձր մակարդակ ընդհանուր շուկայում:

«Փորձաքննությունների ազգային բյուրո» ՊՈԱԿ-ի փորձագետները շարունակում են ակտիվորեն ներգրավվել միջազգային մասնագիտական որակավորման գործընթացներում՝ ապահովելով կազմակերպության ներկայացվածությունը համաշխարհային ժամանակակից գիտագործնական հարթակներում։ 
Մասնավորապես՝ 2026 թվականի հունվար-փետրվար ամիսներին Բյուրոյի նյութագիտական փորձաքննությունների բաժնի և քիմիկոթունաբանական փորձաքննությունների բաժանմունքի փորձագետները մասնակցել են ՄԱԿ-ի Թմրանյութերի և հանցավորության դեմ պայքարի գրասենյակի (UNODC) որակի ապահովման միջազգային ծրագրի (IQAP) փորձարկումներին՝ հաջողությամբ հաղթահարելով 2025 թվականի ստուգիչ թեստավորումների երկրորդ փուլը: 
Ծրագրի շրջանակներում Կազմակերպությանը տրամադրվել էին կենսաբանական ծագման «կույր» նմուշներ՝ դրանցում թմրամիջոցների և հոգեներգործուն նյութերի հայտնաբերման նպատակով:
Հետազոտություններն իրականացվել են գերժամանակակից անալիտիկ սարքավորումների կիրառմամբ, այդ թվում՝ մաս-սպեկտրաչափով համակցված գազային քրոմատոգրաֆի (GC-MS), ինչպես նաև եռակի քառաբևեռ մաս-սպեկտրաչափով համակցված հեղուկային քրոմատոգրաֆի (LC-MS/MS) միջոցով: 
Ստացված արդյունքները եղել են հավաստի ու ճշգրիտ՝ լիարժեք համապատասխանելով նմուշների հսկիչ (ստուգիչ) տվյալներին: 
UNODC-ի կողմից իրականացվող նմանօրինակ միջազգային ծրագրերին մասնակցությունը միտված է լաբորատորիաների գործունեության որակի արտաքին գնահատմանը, փորձագիտական ներուժի շարունակական զարգացմանը և հետազոտական հնարավորությունների ընդլայնմանը։

«Փորձաքննությունների ազգային բյուրո» ՊՈԱԿ-ը, հավատարիմ մնալով գիտագործնական կարողությունների շարունակական կատարելագործման և ժամանակակից գիտական պատկերացումներին համապատասխան հետազոտական մեթոդների կիրառման սկզբունքներին, ակտիվորեն մասնակցում է Դատափորձագիտական ինստիտուտների եվրոպական ցանցի (ENFSI) կողմից իրականացվող «FOR FUTURE» (Հանուն ապագայի. դատափորձագիտական հիմունքներ, տեխնոլոգիա, բազմակողմանիություն, հետազոտություն, գնահատում) խորագրով բազմաառարկայական համալիր վարժությունների (MdCEP) հերթական փուլին։
🇪🇺Եվրոպական միության ֆինանսավորմամբ և ENFSI-ի հովանու ներքո իրականացվող այս նախագիծն առանցքային նշանակություն ունի ENFSI անդամ կառույցների գիտամեթոդական ներուժի զարգացման, իրականացվող հետազոտությունների որակի բարձրացման և դատափորձագիտական բնագավառում նորագույն տեխնոլոգիաների ներդրման համար։
Նախագծի «MONOPOLY PROJECT 2022 – WP2» աշխատանքային ծրագրի փորձարկումներում ներգրավված են Բյուրոյի հետքաբանական, դատագենետիկական, ինչպես նաև տեսաձայնագրային փորձաքննությունների բաժինների առաջատար փորձագետները:
Փորձարկումներն իրականացվում են մեկ միասնական քրեական վարույթի մոդելավորված սցենարի շրջանակներում, ինչը պահանջում է տարբեր գիտակարգերի համադրում և միջմասնագիտական սերտ համագործակցություն:
Նախագծի շրջանակներում Բյուրոյի փորձագետները հետազոտել են տրամադրված փորձանմուշները, այդ թվում՝ CD-ROM կրիչ, մատնադրոշմների քարտեր և ձայնային նմուշներ՝ կիրառելով գիտականորեն հիմնավորված ժամանակակից մեթոդներ և տեխնոլոգիաներ:
Աշխատանքները համակարգվել են Իտալիայի Կարաբինիերների դատափորձագիտական ծառայության կողմից, իսկ փորձարկումների վերջնական արդյունքների ամփոփումը և համապատասխան զեկույցի հրապարակումը նախատեսված է 2026 թվականի առաջին կիսամյակում։
Փորձաքննությունների ազգային բյուրոն կարևորում է մասնակցությունը նմանօրինակ միջազգային նախագծերին՝ նպատակ ունենալով շարունակաբար կատարելագործել իրականացվող փորձաքննությունների որակը, ապահովել լաբորատորիաների համապատասխանությունը միջազգային չափանիշներին և բարձրացնել կառույցի միջազգային ճանաչելիությունը:

Ժամը լրատվականի պատրաստած ամբողջական ռեպորտաժը`

Պարբերականում ներկայացված արժեքավոր գիտական աշխատանքները ներառում են դատափորձագիտական բնագավառի ընդհանուր և մասնավոր հիմնախնդիրները՝ նպատակ ունենալով ամրապնդել ոլորտի գիտամեթոդական ապահովումն ինչպես ներպետական, այնպես էլ միջազգային մակարդակներում։
​Գիտական հոդվածներն ընդգրկում են դատափորձագիտական ոլորտի այնպիսի առանցքային ուղղություններ, ինչպիսիք են ձգաբանական, նյութագիտական, ապրանքագիտական, շինարարատեխնիկական, ֆինանսատնտեսագիտական, տեխնոլոգիական, համակարգչատեխնիկական և տեսաձայնագրային փորձաքննությունները։
​Լիահույս ենք, որ սույն համարում ներկայացված գիտական հոդվածները կնպաստեն ոլորտի արդի հիմնախնդիրների շուրջ արդյունավետ մասնագիտական քննարկումների ծավալմանը և գիտական կապերի ամրապնդմանը:
​Մանրամասների համար այցելեք մեր պաշտոնական կայք էջ.
www.nbe.am
​Հետևեք մեզ նաև Telegram-ում.
t.me/nbeofRA

Մենք բարձր ենք գնահատում ձեր ներդրումը դատափորձագիտական բնագավառի զարգացման գործում և շնորհակալ ենք ձեր արգասաբեր աշխատանքի համար։
​Մաղթում ենք մասնագիտական վերելքներ, ընտանեկան ջերմություն, անսպառ եռանդ և երջանկություն։

https://www.facebook.com/reel/1259934102907812

ԳԱԱ «Փորձաքննությունների ազգային բյուրո» ՊՈԱԿ-ի ներկայացուցիչները՝ տեղեկատվական ապահովման բաժնի պետ Արուսյակ Մոսիկյանի գլխավորությամբ, փետրվարի 27-ին Երևանում մասնակցել են Գորչակովի անվան հանրային դիվանագիտության աջակցության հիմնադրամի կողմից կազմակերպված «ՈԱԿ դասընթացներ» (Курсы НКО) գործնական ինտենսիվ ուսուցման ծրագրին:
Ոչ առևտրային կազմակերպություններում միջազգային նախագծերի հետ աշխատող մասնագետների համար նախատեսված դասընթացին ներկայացվել են գիտության, կրթության և այլ ոլորտներում միջազգային նախագծերի մշակման, այդ թվում՝ արտերկրի գործընկերների հետ համատեղ գիտագործնական միջոցառումների կազմակերպման առանձնահատկությունները։ 
Դասընթացի շրջանակներում անցկացվել են վարպետության դասեր՝ ուղղված դրամաշնորհային հայտերի պատրաստմանը, ինչպես նաև դասախոսություններ բյուջետավորման, ֆինանսական պլանավորման թեմաներով, ինչպես նաև իրականացվել են հաջողված միջազգային նախագծերի վերլուծություններ։
Միջոցառման շրջանակներում մասնակիցները փոխանակվել են ծրագրերի իրականացման առաջարկներով, ստացել տեղեկատվություն ոլորտային դրամաշնորհային ծրագրերի վերաբերյալ և քննարկել միջազգային մասնագիտական և գիտական հարթակներում համագործակցության հեռանկարները։ 
Դասընթացի ավարտին մասնակիցները ստացել են մասնակցության հավաստագրեր:

Scopus միջազգային շտեմարանում ընդգրկված, հոգեբանության ոլորտի ամենահեղինակավոր պարբերականներից մեկը համարվող «Հոգեբանական ամսագրի» («Психологический журнал») 2025թ. 5-րդ համարում անդրադարձ է կատարվել ԳԱԱ Փորձաքննությունների Ազգային Բյուրոյի հոգեբանական փորձաքննությունների բաժնի պետ, ՀՀ պետական կառավարման ակադեմիայի կառավարման հոգեբանության ամբիոնի վարիչ, հոգեբանական գիտությունների դոկտոր, պրոֆեսոր Ռուբեն Աղուզումցյանի 80-ամյակին։

Հեղինակավոր հոգեբանի գործունեության վերաբերյալ հրապարակմանը կարող եք ծանոթանալ հետևյալ հղումով՝ https://ter-arkhiv.ru/0205-9592/article/view/696894 :

ՀՀ ԳԱԱ «Փորձաքննությունների ազգային բյուրո» ՊՈԱԿ-ի տնօրենի գիտության գծով տեղակալ Պատվական Ոսկանյանը  փետրվարի 24-ին Ռուս-Հայկական համալսարանում (ՌՀՀ) մասնակցել է «Երկխոսություն. Աշխատաշուկան և Ռուս-Հայկական համալսարանը» խորագրով ֆորումին:
Միջոցառման հիմնական նպատակն էր քննարկել համալսարանի կրթական ծրագրերի համապատասխանությունը աշխատաշուկայի արդի պահանջներին և գտնել արդյունավետ մեխանիզմներ՝ ուսանողների մասնագիտական պատրաստվածությունը գործնական պահանջներին առավելագույնս մոտեցնելու համար:
Ֆորումի շրջանակներում ծավալվել են ակտիվ քննարկումներ աշխատաշուկայի ներկայացուցիչների, գիտահետազոտական ինստիտուտների ղեկավարների, դատաքննչական համակարգի, ինչպես նաև առաջադար գիտնականների միջև:
Ֆորումի շրջանակներում ձևավորված «Իրավագիտություն․ երկխոսություն աշխատաշուկայի հետ» աշխատանքային խմբում Պատվական Ոսկանյանն անդրադարձել է դատական փորձաքննությունների ոլորտում որակյալ կադրերի ապահովման հարցում բազային կրթության կարևորությունը:
Ըստ Ոսկանյանի՝ դատական փորձագետը պետք է օժտված լինի ակադեմիական այնպիսի գիտելիքներով, որոնք թույլ կտան հետագայում նեղ մասնագիտական հմտությունները կիրառել գիտականորեն հիմնավորված մեթոդներով: 
«Դատական փորձաքննությունը դինամիկ զարգացող ոլորտ է, որտեղ տեսական գիտելիքը պետք է մշտապես համակցվի նորագույն տեխնոլոգիական հնարավորությունների հետ:Բարձրագույն ուսումնական հաստատություններում դատական փորձագետների պատրաստման գործընթացում անհրաժեշտ է ներդնել մասնագիտական այնպիսի բաղադրիչներ, որոնք ուղղակիորեն առնչվում են ժամանակակից փորձագիտական պրակտիկային»,- նշել է Պ. Ոսկանյանը՝ պատրաստակամություն հայտնելով Հայաստանի բարձրագույն ուսումնական հաստատություններում դատական փորձագետների պատրաստման հարցում աջակցության համար:
Ֆորումի շրջանակներում ՌՀՀ ռեկտոր Էդվարդ Սանդոյանը շնորհակալագիր է հանձնել «Փորձաքննությունների ազգային բյուրո» ՊՈԱԿ-ին՝ բուհի կրթական նախաձեռնություններին մշտապես աջակցելու, ուսանողների մասնագիտական զարգացմանը նպաստելու և գործնական հարթակներում նրանց կողքին լինելու համար:
«Փորձաքննությունների ազգային բյուրո» ՊՈԱԿ-ը վերահաստատում է իր հանձնառությունը՝ շարունակելու ակտիվ փոխգործակցությունը բուհական համակարգի հետ: Բյուրոն կարևորում է բարձր մասնագիտական որակավորմամբ օժտված կադրերի պատրաստումը և պատրաստակամ է գիտագործնական իր ներուժը կիրառել՝ ի նպաստ Հայաստանում դատափորձագիտական ոլորտի զարգացման և կրթության որակի բարձրացման:

ԱՊՀ Ստանդարտացման, չափագիտության և սերտիֆիկացման միջպետական խորհրդի կողմից «Լաքաներկային նյութեր և պատվածքներ» միջպետական տեխնիկական հանձնաժողովը (ՄՏՀ 195), որի լիիրավ ներկայացուցիչը Հայաստանից ՀՀ ԳԱԱ «Փորձաքննությունների ազգային բյուրո» ՊՈԱԿ-ի տնօրենի գիտության գծով տեղակալ, քիմիական գիտությունների դոկտոր Պատվական Ոսկանյանն է, արժանացել է «Միջպետական ստանդարտացման առաջատար» կոչման:
Ստանդարտացման միջպետական տեխնիկական հանձնաժողովի նախագահ Գ. Վ. Ավերյանովն իր պաշտոնական նամակում հատուկ շնորհակալություն է հայտնել Հայաստանի ներկայացուցչին և Փորձաքննությունների ազգային բյուրոյի աշխատակազմին բեղմնավոր գործունեության համար՝ ընդգծելով հայ գործընկերների առանցքային դերը ստանդարտների մշակման և որակի ապահովման գործում:
Նշենք, որ այս պատվավոր կարգավիճակը տրվում է միայն լավագույն արդյունքներ և բարձր պրոֆեսիոնալիզմ ցուցաբերած հանձնաժողովներին։ 
Գրանցված արդյունքը հաստատում է ՄՏՀ 195-ի կազմում Փորձաքննությունների ազգային Բյուրոյի արդյունավետ և բարձր մակարդակի մասնագիտական աշխատանքը և վերահաստատում Բյուրոյի պատրաստակամությունը՝ ակտիվորեն մասնակցելու միջպետական տեխնիկական հանձնաժողովի հետագա աշխատանքներին:

Հունվարի 19-ին ամերիկյան առաջատար «GTH DNA» խորհրդատվական կազմակերպության Կենտրոնական Ամերիկայի, Եվրոպայի և ԱՊՀ երկրների տարածաշրջանային տնօրեն Կայլ Շրոյդերը, «Thermo Fisher Scientific» ընկերության ԱՊՀ տարածաշրջանային ներկայացուցիչ Ակակի Պետրիաշվիլիnն, վրացական «ABM» ընկերության ներկայացուցիչ Վաժա Գելիաշվիլին այցելել են ԳԱԱ «Փորձաքննությունների ազգային բյուրո» ՊՈԱԿ՝ «GTH DNA» -ի և Բյուրոյի միջև կնքված համագործակցության պայմանագրի շրջանակներում նախանշված համատեղ ծրագրերի արդյունավետ իրականացման հետ կապված հարցերի քննարկման նպատակով:
Այցի շրջանակներում միջազգային գործընկերները հանդիպում են ունեցել Բյուրոյի ղեկավար անձնակազմի հետ, ծանոթացել Փորձաքննությունների ազգային բյուրոյի դատագենետիկական փորձաքննությունների բաժանմունքի ընթացիկ գործունեությանը: 
Քննարկվել են ԴՆԹ տվյալների բազաների ձևավորման, իրավական հանրությանը մշակված իրավակարգավորումների ներկայացման, ոլորտի միջազգային չափանիշներին համապատասխան զարգացման ուղղությամբ իրականացված քայլերը, նախանշվել 2026 թ. համատեղ իրականացվելիք ծրագրերի ուղղությունները:
Փորձաքննությունների ազգային բյուրոն կարևորում է դատագենետիկական փորձաքննությունների բնագավառում միջազգային առաջատար ընկերությունների և բարձր որակավորում ունեցող առաջատար մասնագետների հետ ակտիվ փոխգործակցության ծավալումը՝ ի նպաստ Հայաստանի Հանրապետությունում դատափորձագիտական գործունեության տվյալ ուղղության շարունակական զարգացմանը, փորձագիտական հավաստի արդյունքների ապահովմանը, անհրաժեշտ տվյալների բազաների ձևավորմանն ու դրանց արդյունավետ կիրառմանը։

ՀՀ ԳԱԱ «Փորձաքննությունների ազգային բյուրո» ՊՈԱԿ-ում 2025 թվականի ընթացքում քրեադատավարական օրենսդրության շրջանակներում 28 փորձագիտական տեսակներով, 114 ենթատեսակներով և տեխնոլոգիական ուղղություններով իրականացվել են 16.000-ից ավելի փորձագիտական հետազոտություններ՝ ապահովելով գիտականորեն հիմնավորված արդյունքների ստացումը: 
Անցնող տարում Փորձաքննությունների ազգային բյուրոյում քիմիկոթունաբանական ուղղությամբ պայմանագրային հիմունքներով իրականացվել են միջազգային չափանիշներին համապատասխան ավելի քան 1000 հետազոտություններ: 
Կազմակերպությունում առանձին ուղղություններով մշակվել և ներդրվել են հետազոտական նոր մեթոդներ և մեթոդիկաներ, նաև դրանց կիրառմամբ սկսվել են իրականացվել տարբեր հետազոտական աշխատանքներ՝ գիտականորեն հիմնավորված արդյունքների ապահովմամբ: 
Հաշվետու ժամանակահատվածում շարունակվել են նաև համապատասխան հետազոտական ուղղություններով տվյալների շտեմարանների համալրման աշխատանքները:
Կազմակերպության ստորաբաժանումների փորձագետները մասնակցել են Դատափորձագիտական ինստիտուտների եվրոպական ցանցի (ENFSI) համապատասխան աշխատանքային խմբերի կողմից անցկացված համաժողովներին, կոնֆերանսներին, գիտաժողովներին, աշխատաժողովներին, որակավորման ստուգման թեստերին և ընթացիկ այլ աշխատանքներին՝ ապահովելով իրենց մասնագիտական ընդգրկվածությունը ժամանակակից գիտամեթոդաբանական աշխատանքային միջավայրում:
2025 թվականին Կազմակերպության 7 փորձագետներ՝ նյութագիտական, հետքաբանական, տոքսիկոլոգիական, աուդիոձայնագրային և ԴՆԹ փորձաքննությունների ուղղություններով, մասնակցել են դատափորձագիտական ոլորտում մասնագիտական գիտելիքների և հմտությունների գնահատման միջազգային պրոֆեսիոնալ թեստավորմանը (Professional test) և ստացել են դրական արդյունքներ։ 
Դատափորձագիտական ինստիտուտների եվրոպական ցանցի (ENFSI) լիիրավ անդամ «Փորձաքննությունների ազգային բյուրո» ՊՈԱԿ-ի կազմակերպմամբ 2025թ. նոյեմբերի 12-ից 14-ը Երևանում տեղի է ունեցել Դատափորձագիտական ինստիտուտների եվրոպական ցանցի 2025թ. ընդլայնված եռօրյա համատեղ նիստը, որը ENFSI-ի բարձրագույն մարմնի՝ Խորհրդի որոշմամբ առաջին անգամ իրականացվել է Հայաստանում։ 
Կազմակերպությունը հաշվետու ժամանակահատվածում հանդիսացել է երկու միջազգային գիտաժողովի համակազմակերպիչ, որոնցից մեկն անցկացվել է Մոլդովայի Հանրապետություն Քիշնև քաղաքում, մյուսը՝ Ռուսաստանի Դաշնության Սամարղանդ քաղաքում:
2025 թվականին Կազմակերպության փորձագետները մասնակցել են  19 ներպետական և միջազգային գիտաժողովներին, սեմինարներին, գործնական դասընթացներին, գիտագործնական կլոր սեղաններին և այլ միջոցառումներին:
2025 թվականի հունվար-դեկտեմբեր ամիսների ընթացքում Կազմակերպությունում «Փորձագետի որակավորման հավակնորդի վերապատրաստման և/կամ կատարելագործման դասընթացի իրականացման» կարգով կատարվել է նախատեսված գործընթացի կազմակերպման գիտամեթոդական ապահովումը: 
Հաշվետու ժամանակահատվածում ՀՀ ԳԱԱ համակարգում դատական փորձագետի որակավորում են ստացել և վերաորակավորվել են 24 հավակնորդ:
2025 թվականին գիտաուսումնական աշխատանքների շրջանակներում իրականացվել է փորձաքննությունների համար ելակետային տվյալներ ձեռք բերելու պարտականություններ և փորձաքննություններ նշանակելու լիազորություն ունեցող իրավասու մարմինների 68 աշխատողների ուսուցում և վերապատրաստում:
2025 թվականին վերսկսվել է Կազմակերպության փորձագետների մասնակցությունը Եվրոպական Միության իրավապահ մարմինների ուսուցման գործակալության (CEPOL) փորձի փոխանակման ծրագրին:
2025 թվականին Կազմակերպության աշխատողների կողմից հրատարակվել են 49 գիտական աշխատանքների արդյունքներ հայաստանյան և արտասահմանյան ամսագրերում, պարբերականներում և ժողովածուներում, որից երեք հոդված հրատարակվել է Scopus գիտատեղեկատվական շտեմարանում ներառված պարբերականներում:
Հաշվետու ժամանակահատվածում Կազմակերպության կողմից իրականացվել են 28 պրոֆիլային թեմաներով գիտամեթոդաբանական և գիտահետազոտական բնույթի աշխատանքներ:
Գիտագործնական աշխատանքների շրջանակներում Կազմակերպության աշխատակիցներն ընթացիկ տարում անցկացրել են 91 վերլուծական բնույթի սեմինարներ՝ ընդգրկելով ինչպես Կազմակերպությունում գործող բոլոր փորձագիտական ուղղությունները, այնպես էլ ոլորտներ՝ ուղղված միջազգային առաջավոր փորձի ուսումնասիրմանը և արդյունքների հնարավոր ներդրմանը և կիրառմանը Հայաստանի Հանրապետությունում:
Քրեաբանության կիրառական հիմնախնդիրների գիտահետազոտական կենտրոնի կողմից հաշվետու ժամանակահատվածում իրականացվել է զենքի, հրազենի կամ այլ հանրավտանգ նյութերի և առարկաների օրինական շրջանառության դեմ ուղղված հանցագործությունների քրեաբանական գործոնների հետազոտություն: 
Կենտրոնի կողմից կատարված գիտահետազոտական աշխատանքների արդյունքում հրատարակվել են 11 գիտական հոդված և 1 մենագրություն:
Հայաստանի դատափորձագիտական ոլորտի միակ՝ «Դատական փորձաքննության և քրեագիտության հայկական հանդես» վերտառությամբ գիտական պարբերականում անցնող տարում  հրատարակվել են պարբերականի 13-րդ և 14-րդ համարները, որտեղ ներառվել են 32 հոդվածներ։