slider
slider
slider
slider
slider
slider
slider

Հասցե. 0004 ք. Երևան, Ծովակալ Իսակովի պող. 24

Հեռ. (+37410) 77 77  10

Էլ. փոստ info@nbe.am

Կայք. www.nbe.am

Արխիվ 2019

Archive

Փորձաքննությունների ազգային բյուրոյի փորձագետներն արժանացան գերատեսչական պարգևների

ՀՀ գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի հիմնադրման 15-րդ տարեդարձի կապակցությամբ կազմակերպության կայացման ու զարգացման գործում ներդրած զգալի ավանդի համար «Փորձաքննությունների ազգային բյուրո» ՊՈԱԿ–ի տնօրենը, տեղակալները և կառույցի առաջատար փորձագետները մի շարք գերատեսչությունների կողմից արժանացան պարգևների։ Պարգևատրման հանդիսավոր արարողությունը տեղի ունեցավ Կարեն Դեմիրճյանի անվան մարզահամերգային համալիրում՝ «Դատափորձագիտական գործունեության արդի հարցերը, դատական փորձագիտության և քրեագիտության ժամանակակից խնդիրները, զարգացման միտումներն ու հեռանկարները» խորագրով միջազգային գիտագործնական գիտաժողովի բացման ժամանակ։
ՀՀ գլխավոր դատախազ Արթուր Դավթյանի հրամանով ՀՀ գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի 15-ամյակի առթիվ, նույն կազմակերպության կայացման ու զարգացման, ինչպես նաև Հանրապետությունում դատափորձագիտական ոլորտի առաջխաղացման գործում ներդրած զգալի ավանդի և ՀՀ դատախազության մարմինների հետ սերտ համագործակցություն ապահովելու համար ՀՀ գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի տնօրեն Արգամ Հովսեփյանը պարգևատրվեց «Իրավակարգի ամրապնդման համար» մեդալով:
Արթուր Դավթյանի մեկ այլ հրամանով ԳԱԱ «Փորձաքննությունների ազգային բյուրո» ՊՈԱԿ-ի համակարգչատեխնիկական փորձաքննությունների բաժնի պետ Սարգիս Գրիգորյանը, դատաբժշկական փորձաքննությունների բաժնի պետ Կարեն Մխիթարյանը, ապրանքագիտական փորձաքննությունների բաժնի պետ Հովհաննես Գաբրիելյանը, ինչպես նաև ձեռագրաբանական և հեղինակային փորձաքննություննեևի բաժնի պետ Մարգարիտա Ալոյանը պարգևատրվեցին «Համագործակցության ամրապնդման համար» մեդալով: Գլխավոր դատախազի հրամանով «Հայաստանի Հանրապետության դատախազություն» կրծքանշանով պարգևատրվեց, ինչպես նաև շնորհակալագրի արժանացավ ՊՈԱԿ-ի պայթյունատեխնիկական փորձաքննությունների բաժանմունքի փորձագետ Ջուլիետա Ղահրամանյանը։
Հայաստանի Հանրապետության ազգային անվտանգության ծառայության տնօրենի հրամանով՝ ՀՀ ազգային անվտանգության ծառայության և ՀՀ ԳԱԱ «Փորձաքննությունների ազգային բյուրո» ՊՈԱԿ-ի միջև համագործակցության համար, ինչպես նաև Փորձաքննությունների ազգային բյուրոյի կազմավորման և գործունեության 15-ամյակի կապակցությամբ պարգևատրվեցին «Փորձաքննությունների ազգային բյուրո» ՊՈԱԿ-ի ձեռագրաբանական, հեղինակային և փաստաթղթաբանական փորձաքննությունների բաժնի պետ Մարինե Կարապետյանը, ՊՈԱԿ-ի դատաբժշկական փորձաքննությունների բաժնի հյուսվածքաբանաքիմիական փորձաքննությունների բաժանմունքի պետ Հայկազն Չախոյանը, ապրանքագիտական փորձաքննությունների բաժնի փորձագետ Շուշանիկ Մովսիսյանը, համակարգչատեխնիկական փորձաքննությունների բաժնի փորձագետ Արթուր Հարությունյանը։
Բյուրոյի փորձագետների աշխատանքը բարձր էր գնահատել նաև ՀՀ հատուկ քննչական ծառայության պետ, արդարադատության երրորդ դասի պետական խորհրդական Սասուն Խաչատրյանը։ Վերջինիս հրամանով՝ ՀՀ հատուկ քննչական ծառայությունում քննվող քրեական գործերով մասնագիտական բարձր պատրաստակամություն ցուցաբերելու համար, ինչպես նաև Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի հիմնադրման 15-ամյակի կապակցությամբ, ՀՀ հատուկ քննչական ծառայության շնորհակալագրով պարգևատրվեցին «Փորձաքննությունների ազգային բյուրո» ՊՈԱԿ-ի ձգաբանական փորձաքննությունների բաժնի պետ Վասպուր Հովհաննիսյանը և ՊՈԱԿ-ի հետքաբանական փորձաքննությունների բաժնի պետ Հրաչիկ Այվազյանը։
Միջոցառմանը պարգևներ հանձնեց նաև ՀՀ ոստիկանության պետի ժամանակավոր պաշտոնակատար Արման Սարգսյանը, ՀՀ ոստիկանության հետ սերտորեն համագործակցելու համար, ինչպես նաև Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի կազմավորման և գործունեության15-րդ տարեդարձի կապակցությամբ «Համագործակցության ամրապնդման համար» մեդալով պարգևատրվել է «Փորձաքննությունների ազգային բյուրո» ՊՈԱԿ-ի տնօրեն Արգամ Հովսեփյանը: Հանցագործությունների բացահայտման գործում ՀՀ ոստիկանության ստորաբաժանումների հետ սերտորեն համագործակցելու համար, ինչպես նաև Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի կազմավորման և գործունեության 15-րդ տարեդարձի կապակցությամբ «Համագործակցության ամրապնդման համար» մեդալով պարգևատրվել են՝ թմրանյութերի, հոգեմետ և թունավոր նյութերի փորձաքննությունների բաժանմունքի պետ Աննա Թովմասյանը, տոքսիկոլոգիական /թունաբանական/ փորձաքննությունների բաժանմունքի պետ Նելլի Կիրակոսյան, ՀՀ ոստիկանության պատվորգերով պարգևատրվել են՝ փաստաթղթաբանական փորձաքննությունների բաժանմունքի փորձագետ Արսեն Բաղդասարյանը և փորձաքննությունների բաժնի դատաբժշկական փորձագետ Սուրեն Օլեյանը:
Միջոցառմանը պարգևներ հանձնվեցին նաև ՀՀ արտակարգ իրավիճակների նախարար Ֆելիքս Ցոլակյանի կողմից։ 
Նախարարի հրամանով՝ արտակարգ իրավիճակների առաջացման դեպքերում նշանակվող փորձաքննություններն իրականացնելիս ակտիվ աշխատանքներ ծավալելու համար, ինչպես նաև ՀՀ ԳԱԱ «Փորձաքննությունների ազգային բյուրո» ՊՈԱԿ-ի հիմնադրման 15-ամյակի կապակցությամբ «Համագործակցություն հանուն փրկության» մեդալով պարգևատրվեցին «Փորձաքննությունների ազգային բյուրո» ՊՈԱԿ-ի պայթյունատեխնիկական և հրդեհատեխնիկական փորձաքննությունների բաժնի պետ Դավիթ Մելքումյանը, պայթյունատեխնիկական և հրդեհատեխնիկական փորձաքննությունների բաժնի փորձագետ Վարդգես Ֆրանգյանը։
Արտակարգ իրավիճակների նախարարության պատվոգրեր ստացան «Փորձաքննությունների ազգային բյուրո» ՊՈԱԿ-ի շինարարատեխնիկական փորձաքննությունների բաժնի պետ Արթուր Միրաքյանը և ապրանքագիտական փորձաքննությունների բաժնի փորձագետ Գարեգին Թավադյանը։
«Փորձաքննությունների ազգային բյուրո» ՊՈԱԿ-ի ղեկավարն ու շուրջ երկու տասնյակ աշխատակիցներ Հայաստանի Հանրապետության գիտությունների ազգային ակադեմիայի նախագահ, ակադեմիկոս Ռադիկ Մարտիրոսյանի կողմից արժանացան վաստակագրերի, գովեստագրերի և պատվոգրերի։ Մասնավորապես՝ 
ԳԱԱ «Փորձաքննությունների ազգային բյուրո» ՊՈԱԿ-ի հիմնադրման 15-ամյակի առթիվ ՀՀ գիտությունների ազգային ակադեմիայի համակարգում դատափորձագիտության զարգացման գործում նշանակալի ավանդ ունենալու համար վաստակագրեր տրվեցին ՀՀ ԳԱԱ «Փորձաքննությունների ազգային բյուրո» ՊՈԱԿ-ի տնօրեն Արգամ Հովսեփյանին, «Փորձաքննությունների ազգային բյուրո» ՊՈԱԿ-ի գիտության գծով տնօրենի տեղակալ Պատվական Ոսկանյանին, ՊՈԱԿ-ի փորձաքննությունների գծով տնօրենի տեղակալ Արամ Գահնապետյանին:
ՀՀ գիտությունների ազգային ակադեմիայի համակարգում դատափորձագիտության զարգացման գործում երկար տարիների ավանդ ունենալու համար վաստակագրեր տրվեցին «Փորձաքննությունների ազգային բյուրո» ՊՈԱԿ-ի ձեռագրաբանական, հեղինակային և փաստաթղթաբանական փորձաքննությունների բաժնի պետ Մարինե Կարապետյանին, ֆոտոտեխնիկական, դիմանկարային, տեսա–աուդիոձայնագրական փորձաքննությունների բաժնի պետ Սերգեյ Բադալովին:
ՀՀ գիտությունների ազգային ակադեմիայի համակարգում դատափորձագիտության զարգացմանը նպաստելու, ծավալած ակտիվ և արդյունավետ գործունեության համար գովեստագրեր տրվեցին «Փորձաքննությունների ազգային բյուրո» ՊՈԱԿ-ի տնօրենի ֆինանսական և տնտեսական հարցերի գծով տեղակալ Խաչատուր Աբաջյանին, տեղեկատվական ապահովման բաժնի պետ Արուսյակ Մոսիկյանին, տեղեկատվական ապահովման բաժնի գլխավոր մասնագետ Լիլյա Ավոյանինին, տեղեկատվական ապահովման բաժնի գլխավոր մասնագետ Աննա Հարությունյանին, տնօրենի խորհրդական Ռուբեն Հովհաննեսյանին, հողագիտական և կենսաբանական փորձաքննությունների բաժնի փորձագետ Աննա Պետրոսյանին:
ՀՀ գիտությունների ազգային ակադեմիայի համակարգում ծավալած ակտիվ գործունեության համար պատվոգրեր շնորհվեցին «Փորձաքննությունների ազգային բյուրո» ՊՈԱԿ-ի դատաբժշկական փորձաքննությունների բաժնի պետ Կարեն Մխիթարյանին, հողագիտական և կենսաբանական փորձաքննությունների բաժանմունքի պետ Գառնիկ Համբարյանին, ճարտարագիտատեխնիկական փորձաքննությունների բաժնի պետ Աշոտ Բադեյանին, մշակութաբանական փորձաքննությունների բաժնի պետ Էմիլ Ավանեսովին, հետքաբանական փորձաքննությունների բաժնի փորձագետ Մարինե Բուդաղյանին, համակարգչատեխնիկական փորձաքննությունների բաժնի փորձագետ Աշոտ Ադամյանին, ձգաբանական փորձաքննությունների բաժնի պետ Վասպուր Հովհաննիսյանին, հետքաբանական փորձաքննությունների բաժնի պետ Հրաչիկ Այվազյանին, ապրանքագիտական փորձաքննությունների բաժնի փորձագետ Հարություն Թովմասյանին, ֆիզիկատեխնիկական հետազոտությունների և քիմիական փորձաքննությունների բաժնի փորձագետ Արա Գալստյանին, ձեռագրաբանական և հեղինակային փորձաքննությունների բաժանմունքի փորձագետ Անի Բակլաչյանին, հոգեբանական փորձաքննությունների բաժնի պետ Անի Վարդանյանին:
ՀՀ առողջապահության նախարար Արսեն Թորոսյանի հրամանով ՀՀ ԳԱԱ «Փորձաքննությունների ազգային բյուրո» ՊՈԱԿ–ի հիմնադրման 15-ամյակի կապակցությամբ, ինչպես նաև բարեխիղճ և անմնացորդ աշխատանքի համար «Փորձաքննությունների ազգային բյուրո» ՊՈԱԿ–ի տնօրեն, բժշկական գիտությունների թեկնածու Արգամ Հովսեփյանին հայտարարվել է շնորհակալություն և պարգևատրվել Հայաստանի Հանրապետության առողջապահության նախարարության հուշամեդալով։
Նախարարի մեկ այլ հրամանով «Փորձաքննությունների ազգային բյուրո» ՊՈԱԿ–ի հիմնադրման 15-ամյակի կապակցությամբ, ինչպես նաև բարեխիղճ և անմնացորդ աշխատանքի համար՝ Փորձաքննությունների ազգային բյուրոյի ողջ անձնակազմին հայտարարվել է շնորհակալություն և պարգևատրվել պատվոգրով:
ՀՀ արդարադատության ակադեմիայի ռեկտոր Սերգեյ Առաքելյանի հրամանով Արդարադատության ակադեմիայի և Փորձաքննությունների ազգային բյուրոյի համագործակցության ընթացքում ներդրած նշանակալի ավանդի համար և «Փորձաքննությունների ազգային բյուրո» ՊՈԱԿ–ի հիմնադրման 15-ամյակի կապակցությամբ «Փորձաքննությունների ազգային բյուրո» ՊՈԱԿ–ի տնօրեն Արգամ Հովսեփյանը պարգևատրվել է Արդարադատության ակադեմիայի հուշամեդալով։
Փորձաքննությունների ազգային բյուրոյի հիմնադրման 15-ամյակի կապակցությամբ պարգևներ շնորհվեցին նաև արտասահմանյան երկրների գործընկեր կառույցների ղեկավարների կողմից:
Ուկրաինայի արդարադատության նախարարության Կիևի դատական փորձագիտության գիտահետազոտական ինստիտուտի տնօրեն Ալեքսանդր Ռուվինի հրամանով «Փորձաքննությունների ազգային բյուրո» ՊՈԱԿ–ի տնօրեն Արգամ Հովսեփյանը պարգևատրվել է Ուկրաինայի արդարադատության նախարարության Կիևի դատական փորձագիտության գիտահետազոտական ինստիտուտի «Վաստակի համար» մեդալով:
Ռուսաստանի Արդարադատության նախարարության դատական փորձաքննություների Ռուսաստանի Դաշնային կենտրոնի տնօրեն Սվետլանա Սմիռնովայի հրամանով «Փորձաքննությունների ազգային բյուրո» ՊՈԱԿ–ը պարգևատրվել է «Դատական փորձաքննության զարգացման մեջ ներդրում ունենալու համար» մեդալով։
Ուկրաինայի արդարադատության նախարարության պրոֆեսոր Ն.Ս.Բոկարիուսի անվան Խարկովի դատական փորձաքննությունների գիտահետազոտական ինստիտուտի տնօրեն Ալեքսանդր Կլյուևի հրամանով «Փորձաքննությունների ազգային բյուրո» ՊՈԱԿ–ի տնօրեն Արգամ Հովսեփյանը պարգևատրվել է «Միջազգային համագործակցության ամրապնդման համար» շքանշանով:
«Փորձաքննությունների ազգային բյուրո» ՊՈԱԿ–ի 15-ամյակի կապակցությամբ շնորհավորական ուղերձներ են հղվել նաև Ուկրաինայի արդարադատության փոխնախարար Վալերիա Կոլոմիեցի կողմից, Հայաստանի Հանրապետության կառավարման ակադեմիայի ռեկտոր Արսեն Լոքյանի, ինչպես նաև այլ բուհերի ռեկտորների և կազմակերպությունների ղեկավարների կողմից: 
«Փորձաքննությունների ազգային բյուրո» ՊՈԱԿ–ի նկատմամբ Հայաստանի Հանրապետության տարբեր գերատեսչությունների ղեկավարների, ինչպես նաև արտերկրի գործընկեր կառույցների ղեկավարների նման բարձր գնահատականներն ու ցուցաբերած վերաբերմունքն էլ ավելի է պարտավորեցնում «Փորձաքննությունների ազգային բյուրո» ՊՈԱԿ–ի ողջ անձնակազմին իրենց լիազորված աշխատանքներն առավել բարձր պատասխանատվությամբ և նվիրումով իրականացնելու համար՝ ի նպաստ Հայաստանի Հանրապետությունում իրավական համակարգի կայացմանն ու իրավակարգի ամրապնդմանը։

Archive

Թողարկվել է «Դատական փորձաքննության և քրեագիտության հայկական հանդես» գիտական պարբերականի առաջին համարը

«Փորձաքննությունների ազգային բյուրո» պետական ոչ առևտրային կազմակերպության հիմնադրման 15-րդ ամյակին կազմակերպության կողմից թողարկվել է «Դատական փորձաքննության և քրեագիտության հայկական հանդես» վերտառությամբ գիտական պարբերականի առաջին համարը։
Նշենք, որ մինչ օրս հայաստանյան պետական դատափորձագիտական համայնքը չուներ սեփական միասնական հարթակը՝ կատարված աշխատանքների հրատարակման և բովանդակալից գիտական հաղորդակցության ապահովման համար և մինչ օրս գիտական աշխատանքների արդյունքները հրատարակվում էին հարակից նեղ մասնագիտական ոլորտների պարբերականներում կամ տպագրվում էին արտերկրի գործընկերների կողմից թողարկվող նմանատիպ ժողովածուներում: Թողարկվող պարբերականում ներկայացվելու են ինչպես միջազգային առաջավոր փորձը՝ ոլորտի առաջատար գիտնականների և մասնագետների հոդվածների տպագրման միջոցով, այնպես էլ հնարավորություն է տրվելու մեր երկրի դատափորձագիտական ոլորտի գիտական հանրությանը և պրակտիկ փորձագետներին ներկայացնելու իրենց գիտական և գիտագործնական հետազոտությունների արդյունքները։
Նշենք, որ պարբերականի առաջին համարը նվիրվել է «Փորձաքննությունների ազգային բյուրո» ՊՈԱԿ-ի դատաբժշկական փորձաքննությունների ստորաբաժանման հիմնադիր, ճանաչված դատաբժիշկական փորձագետ, ՀՍՍՀ առողջապահության նախարարության գլխավոր դատաբժշկական փորձագետ, բժշկական գիտությունների դոկտոր Վահրամ Միհրանի Մուսայելյանի հիշատակին:
Հուսով ենք, որ «Դատական փորձաքննության և քրեագիտության հայկական հանդես» գիտական պարբերականը կարճ ժամանակահատվածում լայն ճանաչում կստանա ոլորտի ինչպես Հայաստանյան, այնպես էլ միջազգային գիտական շրջանակներում:
Հրավիրում ենք դատափորձագիտական ոլորտի բոլոր մասնագետներին տպագրելու իրենց գիտահետազոտական աշխատանքների արդյունքները «Դատական փորձաքննության և քրեագիտության հայկական հանդես»-ի հաջորդ համարներում:

Archive

«Փորձաքննությունների ազգային բյուրո» ՊՈԱԿ-ի հիմնադրման 15-ամյակին նվիրված միջազգային գիտաժողով՝ Երևանում

Սեպտեմբերի 25-ին Կարեն Դեմիրճյանի անվան մարզահամերգային համալիրում մեկնարկեց «Դատափորձագիտական գործունեության արդի հարցերը, դատական փորձագիտության և քրեագիտության ժամանակակից խնդիրները, զարգացման միտումներն ու հեռանկարները» խորագրով միջազգային գիտագործնական գիտաժողովը՝ նվիրված ՀՀ գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի հիմնադրման 15-ամյակին։ Դատական փորձագիտության, քրեագիտության և քրեաբանության բնագավառին վերաբերող միջազգային գիտաժողովին մասնակցելու համար Հայաստան են ժամանել արտերկրի հեղինակավոր դատափորձագիտական կառույցների ղեկավարներ և ներկայացուցիչներ։ Միջազգային գիտաժողովի անցկացումը նպատակ ունի համախմբել դատափորձագիտության ոլորտում Հայաստանի Հանրապետության և արտերկրի գործընկերների գիտական ներուժը, վերհանել և վերլուծել ոլորտում առկա խնդիրները, ներկայացնել ժամանակակից ձեռքբերումներն ու նվաճումները, նախանշել խնդիրների լուծման և ոլորտի կայուն զարգացումն ապահովող արդյունավետ ուղիները՝ բարձրացնելով Հայաստանի Հանրապետության դերը միջազգային դատափորձագիտական միջավայրում: Միջոցառմանը ողջույնի խոսքով հանդես եկավ «Փորձաքննությունների ազգային բյուրո» ՊՈԱԿ-ի տնօրեն, ՀՀ ԱՆ առողջապահության ազգային ինստիտուտի դատական բժշկության ամբիոնի վարիչ, բժշկական գիտությունների թեկնածու Արգամ Հովսեփյանը։ Վերջինիս խոսքով՝ անցած 15 տարիների ընթացքում Հայաստանի Հանրապետության և ԱՄՆ կառավարությունների, Հայաստանի Հանրապետությունում ԱՄՆ դեսպանության Թմրամիջոցների դեմ պայքարի և իրավապահ համագործակցության գրասենյակի անձնակազմի և կազմակերպության կառավարման մարմինների և ամբողջ թիմի ներդրած ջանքերի համատեղման շնորհիվ հաջողվել է Հայաստանի Հանրապետությունում ձևավորել միջազգային ճանաչում և համագործակցության լայն շրջանակներ ունեցող խոշորագույն ժամանակակից դատափորձագիտական պետական կազմակերպություն, որը ներկայումս, լինելով նաև Եվրոպական դատափորձագիտական ինստիտուտների ցանցի լիիրավ անդամ, լիարժեք ծառայում է հիմնադրման նպատակներին:
Արգամ Հովսեփյանը բարձր գնահատեց ոլորտի նկատմամբ Փորձաքննությունների ազգային բյուրոյի հիմնադրի՝ Հայաստանի Հանրապետության կառավարության, ինչպես նաև պետական այլ մարմինների ուշադրությունը։ 
«Կառավարության վերաբերմունքը պարտավորեցնում է մեզ առանց այն էլ բարդ և պատասխանատու մեր աշխատանքներն իրականացնել առավել բարձր պատասխանատվությամբ և նվիրումով: Հավաստիացնում եմ, որ ներդաշնակ թիմային աշխատանքի իրականացմամբ ներդնելու ենք առավելագույն ջանքերը մեր առջև դրվող խնդիրներին պատշաճ լուծումներ տալու՝ բազմակողմանի, լրիվ և օբյեկտիվ հետազոտությունների իրականացման միջոցով գիտականորեն հիմնավորված արդյունքների ապահովումը երաշխավորելու համար, ինչն ունի կարևոր նշանակություն հանցավորության դեմ պայքարի, մարդու իրավունքների և հիմնարար ազատությունների պաշտպանության և ընդհանուր առմամբ մեր ժողովրդին դատափորձագիտական ոլորտին ծառայելու գործում»,–ասաց Ա. Հովսեփյանը։
Կազմակերպության ղեկավարը շնորհակալություն հայտնեց ԱՄՆ կառավարությանը՝ ի դեմս Հայաստանի Հանրապետությունում ԱՄՆ դեսպանության և Թմրամիջոցների դեմ պայքարի և իրավապահ համագործակցության գրասենյակի անձնակազմի, կազմակերպությանը նախորդ տարիների ընթացքում նշանակալի աջակցություն ցուցաբերելու համար: Ա. Հովսեփյանը ընդգծեց նաև Հայաստանի Հանրապետության առողջապահական համակարգի գործընկերների հետ նախորդ տարիների ընթացքում ձևավորված արդյունավետ փոխգործակցության անցած ուղին և գործուն քայլերը՝ նպատակաուղղված բժշկագիտության, հատկապես դատական բժշկության և բժշկական հարակից ոլորտների զարգացմանը, առողջապահական բնագավառի իրավական ապահովման օժանդակությանը, գործնականում առկա բացերի լրացմանն ու արդյունքում բնակչության բժշկական օգնության և սպասարկման որակի բարելավմանը:
Ա. Հովսեփյանը շեշտեց նաև Եվրոպական դատափորձագիտական ինստիտուտների ցանցի դերն ու նշանակությունը «Փորձաքննությունների ազգային բյուրոյի» հետ ակտիվ և բեղուն փոխգործակցություն ծավալելու առումով: 
Միջոցառմանը ՀՀ վարչապետ Նիկոլ Փաշինյանի ողջույնի ուղերձը հաղորդեց վարչապետի օգնական Նաիրի Սարգսյանը, ելույթներով հանդես եկան միջազգային գիտաժողովի ծրագրային կոմիտեի նախագահ, ՀՀ գլխավոր դատախազ Արթուր Դավթյանը, ՀՀ գիտությունների ազգային ակադեմիայի նախագահ, ակադեմիկոս Ռադիկ Մարտիրոսյանը, ուղերձներ հղեցին ՀՀ-ում ԱՄՆ փոխդեսպան Քրիստոֆեր Վ. Սմիթը, ՀՀ ազգային անվտանգության ծառայության տնօրենի տեղակալ Արամ Հակոբյանը, ՀՀ ոստիկանության պետի ժամանակավոր պաշտոնակատար Արման Սարգսյանը, ՀՀ արտակարգ իրավիճակների նախարար Ֆելիքս Ցոլակյանը, ՀՀ առողջապահության նախարարի տեղակալ Անահիտ Ավանեսյանը, ՀՀ արդարադատության ակադեմիայի պրոռեկտոր Անահիտ Մանասյանը, արտերկրից ժամանած դատափորձագիտական կառույցների տնօրեններ և այլ պատվավոր հյուրեր։ 
«Փորձաքննությունների ազգային բյուրո» ՊՈԱԿ-ի հիմնադրման 15-ամյակի և միջազգային գիտաժողովի կապակցությամբ ՀՀ վարչապետ Նիկոլ Փաշինյանը շնորհավորել էր «Փորձաքննությունների ազգային բյուրո» ՊՈԱԿ-ի հիմնադրման 15-ամյակի կապակցությամբ՝ մաղթելով երկար տարիների բեղմնավոր և արդյունավետ աշխատանքային գործունեություն՝ ի նպաստ ՀՀ իրավական համակարգի զարգացման և ամրապնդման, մարդու իրավունքների համակողմանի պաշտպանության երաշխիքների ապահովման։ 
Միջազգային գիտաժողովի ծրագրային կոմիտեի նախագահ, ՀՀ գլխավոր դատախազ Արթուր Դավթյանը, ողջունելով ներկաներին, ընդգծեց, որ ՀՀ գիտությունների ազգային ակադեմիայի «Փորձաքննությունների ազգային բյուրոյի» ՊՈԱԿ-ի հիմնադրման 15-ամյակին նվիրված գիտաժողովը Հայաստանի Հանրապետության դատափորձագիտական ոլորտի համար աննախադեպ և ներկայացուցչական է՝ իր բնույթով, ծավալներով և միջազգային լայն ընդգրկմամբ։
ՀՀ գլխավոր դատախազի գնահատմամբ՝ մեր փորձագետները կատարում են անգնահատելի, ծավալուն աշխատանք. «Մենք քաջ գիտակցում ենք բոլոր այն օբյեկտիվ և սուբյեկտիվ խնդիրները, մարտահրավերները, որոնց բախվում են հանրապետության փորձագիտական կենտրոններն ու դրանք ներկայացնող մասնագետները՝ սկսած ոչ բավարար սոցիալական երաշխիքներից մինչև արդի տեխնիկա-տեխնոլոգիական թերհագեցվածությունը, գիտական զարգացումներից բխող մեթոդների ներդրման անհրաժեշտությունը, փորձագետների վերապատրաստման կարիքները, մասնագիտական ռեսուրսների սակավությունն ու համալրվածության ապահովման հետ կապված բարդությունները, դրանցից ածանցվող՝ փորձագիտական հիմնարկների և փորձագետների գերծանրաբեռնվածությունը: Այս ամենով հանդերձ, մեր փորձագետները կատարում են անգնահատելի, ծավալուն աշխատանք՝ ջանք չխնայելով նպաստելու ապացույցների օբյեկտիվ գնահատմանը, հանցագործությունների բացահայտմանը, վերջնարդյունքում՝ արդարադատության իրականացմանը»,–ասաց Արթուր Դավթյանը։
ՀՀ ԳԱԱ նախագահ Ռադիկ Մարտիրոսյանի կողմից կարևորվեց Հայաստանի Հանրապետությունում առաջին անգամ դատափորձագիտական ոլորտին վերաբերող «Դատական փորձագիտության և քրեագիտության հայկական հանդես» պարբերականի թողարկումը, ինչպես նաև իր տեսակով և ծավալներով մեր երկրի դատափորձագիտական ոլորտի համար աննախադեպ և նման ներկայացուցչական մակարդակով միջազգային գիտաժողովի անցկացումը, որն ըստ նրա նոր ազդակ կհանդիսանա ոլորտի գիտական բաղադրիչի զարգացման համար։
Գիտաժողովի ընթացքում ելույթներով և ուղերձներով հանդես եկան նաև Մոլդովայի, Ուկրաինայի, Լեհաստանի, Ռուսաստանի Դաշնություն, Ղազախստանի, Շվեցարիայի և մի շարք այլ երկրների փորձագիտական կազմակերպությունների ղեկավարներ։
Ժամը 14:00-ին մեկնարկած գիտաժողովի պլենար նիստերին զեկույցներով հանդես եկան «Փորձաքննությունների ազգային բյուրո» ՊՈԱԿ-ի տնօրեն, ՀՀ ԱՆ առողջապահության ազգային ինստիտուտի դատական բժշկության ամբիոնի վարիչ, բ.գ.թ. Ա․Հովսեփյանը, «Օ.Ե.Կուտաֆինի անվան Մոսկվայի պետական իրավաբանական ակադեմիայի դատական փորձաքննությունների ինստիտուտ»-ի տնօրեն, ի.գ.դ., պրոֆեսոր Ե.Ռոսսինսկայան, Շվեյցարիայի Համադաշնության «Ձեռագրաբանական գիտությունների ինստիտուտ»-ի գիտական գծով տնօրեն, տեխ.գ.թ.՝ Յու.Չեռնովը, Ռումինիայի «Արդարադատության նախարարության դատափորձագիտական ազգային ինստիտուտ»-ի Դատափորձագիտական ինստիտուտների եվրոպական ցանցի ՃՏՊ վերլուծության աշխատանքային խմբի ղեկավար՝ Ֆ.Ռուշիտոռուն, Ուկրաինայի արդարադատության նախարարության «Կիևի դատական փորձագիտության գիտահետազոտական ինստիտուտ»ի տնօրեն, ի.գ.թ՝ Ա.Ռուվինը, Ուկրաինայի արդարադատության նախարարության պրոֆեսոր Ն.Ս.Բոկարիուսի անվան Խարկովի դատական փորձաքննությունների գիտահետազոտական ինստիտուտի տնօրեն, ի.գ.դ., պրոֆեսոր՝ Ա.Կլյուևը և Ռուսաստանի Արդարադատության նախարարության դատական փորձաքննություների Ռուսաստանի Դաշնային կենտրոնի տնօրենի առաջին տեղակալ, ի.գ.դ., պրոֆեսոր՝ Ա.Ուսովը։
Գիտաժողովի աշխատանքները շարունակվելու են նաև սույն թվականի սեպտեմբերի 26-ին և 27-ին:

Archive

Հանդիպում Հայաստանի Հանրապետությունում ԱՄՆ արտակարգ և լիազոր դեսպան մեծարգո տիկին Լին Թրեյսիի հետ

2019 թվականի սեպտեմբերի 10-ին Փորձաքննությունների ազգային բյուրո է այցելել Հայաստանի Հանրապետությունում Ամերիկայի Միացյալ Նահանգների արտակարգ և լիազոր դեսպան՝ մեծարգո տիկին Լին Թրեյսին, իրավապահ համագործակցության ԹՊԻՀ ծրագրի ղեկավար, առաջին քարտուղար Մայքլ Շուլմանի և այլ աշխատակիցների ուղեկցությամբ:
Այցի ընթացքում Դեսպանին ներկայացվել են Հայաստանի Հանրապետության և Ամերիկայի Միացյալ Նահանգների կառավարությունների միջև թմրամիջոցների հսկողության և իրավապահ ոլորտում համագործակցության մասին կնքված միջկառավարական համաձայնագրի հիման վրա ԹՊԻՀ ծրագրի շրջանակներում դատափորձագիտական ոլորտի զարգացմանն ուղղված բաղադրիչի հաջող իրագործման արդյունքները, կազմակերպության անցած ուղին և ձեռքբերումները, հիմնական գործառույթները, գործունեության ուղղությունները, ներկայիս կառուցվածքը և այլ մանրամասներ: Այնուհետև իրականացվել է շրջայց կազմակերպության փորձագիտական ստորաբաժանումների լաբորատորիաներով, որի ընթացքում ներկայացվել են ԹՊԻՀ ծրագրի շրջանակներում կազմակերպությանը նվիրաբերված մի շարք արժեքավոր սարք-սարքավորումների կիրառմամբ դատափորձագիտական բնագավառի, այդ թվում թմրամիջոցների հայտնաբերմանն ուղղված հետազոտությունների, տեղեկատվական տեխնոլոգիաների և այլ ոլորտների փորձագիտական հետազոտական հնարավորությունները, ինչպես նաև ծանոթացվել է Հայաստանի Հանրապետության կառավարության կողմից հատկացված և Կազմակերպության սեփական միջոցների հաշվին ձեռք բերված ժամանակակից հետազոտական սարք-սարքավորումային և ապարատածրագրային բազային: Ընդգծվել է նաև դրանց կիրառման դերն ու նշանակությունը, ինչպես ֆիզիկական և իրավաբանական անձանց իրավունքների պաշտպանության շրջանակներում վերջիններիս կողմից պատվիրակվող փորձաքնությունների կատարման, այնպես էլ քրեական հետապնդում և արդարադատություն իրականացնող մարմինների որոշումների հիման վրա փորձաքննությունների պատշաճ կատարման և հիմնավոր ու արժանահավատ արդյունքների ստացման համար: Առանձնահատուկ կարևորվել է նաև տնտեսական և կոռուպցիոն բնույթի հանցագործությունների բացահայտմանն ուղղված փորձագիտական ապացուցողական արժեքավոր տվյալների ձեռքբերման հնարավորությունների համալրումը:
Հանդիպման ընթացքում ներկայացվել են նաև միջազգային չափանիշներին դատափորձագիտական գործընթացների համապատասխանեցմանն ուղղված անհրաժեշտ աշխատանքները, առկա խնդիրներն ու զարգացման հեռանկարները, Հայաստանի Հանրապետությունում դատափորձագիտական ոլորտի գործունեությունը կանոնակարգող օրենսդրության կատարելագործման՝ դատափորձագիտական գործունեության մասին Հայաստանի Հանրապետության օրենքի և ենթաօրենսդրական ակտերի մշակման և ընդունման կարևորությունը, որի իրականացմանը Հայաստանի Հանրապետության գլխավոր դատախազության նախաձեռնությամբ ներգրավված է նաև Փորձաքննությունների ազգային բյուրոն:
Դեսպանի հետ հանդիպումն անցել է ջերմ և կառուցողական մթնոլորտում, որի ավարտին կազմակերպության տնօրեն Ա.Հովսեփյանը շնորհակալություն է հայտնել Հայաստանի Հանրապետությունում ԱՄՆ արտակարգ և լիազոր դեսպան տիկին Լին Թրեյսիին՝ հրավերն ընդունելու և կազմակերպության ողջ անձնակազմին իր այցելության բարձր պատվին արժանացնելու համար, հատուկ ընդգծելով, որ անչափ բարձր է գնահատվում ԱՄՆ կառավարության, Հայաստանի Հանրապետությունում ԱՄՆ դեսպանության և ԹՊԻՀ ծրագրի դերն ու նշանակությունը մեր երկրում խոշորագույն առաջատար դատափորձագիտական կառույցի հիմնադրման գործում՝ ի նպաստ մարդու իրավունքների պաշտպանությանը և հանցավորության դեմ պայքարի արդյունավետ իրականացմանը, այդ թվում՝ անդրազգային կազմակերպված հանցավորության համարժեք հակազդմանը, քանի որ փորձագիտական ճանապարհով ապացույցների ձեռքբերումն ունի կարևոր նշանակություն բազմակողմանի, լրիվ և օբյեկտիվ քննությանն աջակցելու, օբյեկտիվ իրականության բացահայտման և արդարադատության իրականացման գործում:
Այցի արդյունքում երկուստեք կարևորվել է արդյունավետ փոխգործակցության շարունակականության ապահովման անհրաժեշտությունը:

Archive

Փորձաքննությունների ազգային բյուրոյում այսուհետ կկիրառվեն ճանապարհատրանսպորտային պատահարի հանգամանքների պարզման նորագույն տեխնոլոգիաներ

Փորձաքննությունների ազգային բյուրոյում «ՋԻԷՆՍԻ-ԱԼՖԱ» ՓԲԸ-ի («Ռոստելեկոմ» Հայաստանի) աջակցության շնորհիվ ներդրվել է «PC Crash» համակարգչային ծրագիրը, ինչպես նաև ձեռք է բերվել ավտոմեքենաների արգելակման տվյալները հետազոտող «VZM 300» դեսելեռոմետր» ժամանակակից սարքը, որոնց շնորհիվ քրեական վարույթ իրականացնող մարմինների որոշումներով նշանակվող փորձաքննությունների շրջանակներում առաջին անգամ Հայաստանում սկսվել են կիրառվել միջազգային չափանիշներին համապատասխանող և Եվրոպական դատափորձագիտական ինստիտուտների ցանցում (ENFSI) լայն կիրառություն ունեցող ժամանակակից հետազոտական հնարավորություններ: «PC Crash» համակարգչային ծրագիրը, որը լայնորեն կիրառվում է աշխարհի զարգացած երկրներում, հնարավորություն կտա Հայաստանում արդի լուծումների միջոցով իրականացնել դատական փորձաքննություններ՝ ստանալով ժամանակակից գիտական պատկերացումներին համապատասխանող հետազոտական մեթոդների կիրառմամբ գիտականորեն հիմնավորված արդյունք: Ծրագրի ներդրման նպատակն է տեխնոլոգիական և ծրագրային նորագույն լուծումներով բարձրացնել փորձաքննությունների արդյունքների ճշգրտության և օբյեկտիվության մակարդակը։ Համակարգչային ծրագիրը մաթեմատիկական մոդելավորման և 3D (ծավալային) պատկերների միջոցով թույլ է տալիս ստանալ օբյեկտիվ տեղեկատվություն ճանապարհատրանսպորտային պատահարին նախորդող և պատահարի ընթացքում իրադրության զարգացման՝ վթարի մեխանիզմի վերաբերյալ, ինչն էականորեն բարձրացնում է իրականացվող փորձաքննությունների որակը և ստացվող արդյունքների հավաստիությունը: «PC Crash» համակարգչային ծրագրի շահագործման նպատակով «Փորձաքննությունների ազգային բյուրո» ՊՈԱԿ-ի տվյալ բնագավառի հետազոտություններ իրականացնող բոլոր փորձագետներն անցել են համապատասխան վերապատրաստում Վիլնյուսի ավտոտեխնիկ-փորձագետ, տեխնիկական գիտությունների թեկնածու Վալենտին Միտունյավիչուսի ղեկավարությամբ: 
Որդեգրած քաղաքականությանը համապատասխան փորձաքննությունների ազգային բյուրոն շարունակաբար բարելավելու է իր տեխնիկական և ծրագրային բազան՝ ներդնելով միջազգային պրակտիկայում ընդունված և արդյունավետ կիրառում ունեցող փորձագիտական նոր մեթոդներ ու մեթոդիկաներ՝ ապահովելով Հայաստանում միջազգային չափանիշներին համապատասխան նորագույն մոտեցումների կիրառմամբ անկախ փորձաքննությունների իրականացումը։

Archive

«Փորձաքննությունների ազգային բյուրո» ՊՈԱԿ-ն ընդլայնում է համագործակցության շրջանակները «Ստայլաբ» ընկերության հետ

ՀՀ ԳԱԱ «Փորձաքննությունների ազգային բյուրո» ՊՈԱԿ-ի և «Ստայլաբ» ընկերության Մեծ Բրիտանիայի պաշտոնական ներկայացուցչի միջև ձևավորված սերտ համագործակցության շրջանակներում 2019 թվականի հունիսի 7-ին «Փորձաքննությունների ազգային բյուրո» ՊՈԱԿ-ում հյուրընկալվել էր «Ստայլաբ» ընկերության տնօրեն Ալեքսանդր Գալկինը, որի շրջանակներում «Փորձաքննությունների ազգային բյուրո» ՊՈԱԿ-ի նախաձեռնության և հրավերի համաձայն վերջինիս կողմից անցկացվել է սեմինար որակավորման ստուգման թեստերին (Proficiency Testing) մասնակցելու հետ կապված հարցերի վերաբերյալ:
Հարկ է նշել, որ Ստայլաբ» ՍՊ ընկերությունը հանդիսանում է «ՖԱՊԱՍ» (FAPAS) ընկերության պաշտոնական գործակալությունը գրեթե բոլոր հետխորհրդային երկրների համար (Ռուսաստան, Բելառուս, Ուկրաինա, Լատվիա, Լիտվա, Էստոնիա, Մոլդովա, Վրաստան, Հայաստան, Ղրղզստան, Ղազախստան, Թուրքմենստան, Տաջիկիստան և Ուզբեկստան): «ՖԱՊԱՍ»-ը 1990 թվականից հանդիսանում է սննդի և ջրի փորձարկման ոլորտներում բրիտանական համաշխարհային ճանաչում ունեցող հավատարմագրված որակավորման ստուգման թեստերի մատակարարը:
Սեմինարին «Փորձաքննությունների ազգային բյուրո» ՊՈԱԿ-ի սննդամթերքի փորձարկման լաբորատորիայի աշխատողներից բացի Կազմակերպության հրավերով մասնակցում էին նաև «Հավատարմագրման ազգային մարմին» ՊՈԱԿ-ի մասնագետները, Հայաստանի Հանրապետությունում գործող տարբեր փորձարկման լաբորատորիաների ղեկավարներ, որակի կառավարման համակարգի պատասխանատուներ, փորձագետներ և այլ մասնագետներ: 
Սեմինարի նպատակն էր հայաստանյան մասնագետներին ներկայացնել նշված ոլորտում որակավորման ստուգման թեստերին (Proficiency Testing) մասնակցելու հիմնական սկզբունքներն ու կարևորությունը: Համաձայն ԻՍՕ/ԻԷԿ 17025 միջազգային ստանդարտի՝ փորձարկման արդյունքների հավաստիության ստուգման լծակներից մեկն է հանդիսանում նաև որակավորման ստուգման ծրագրերին (Proficiency Testing) կամ միջլաբորատոր համեմատություններին մասնակցությունը: Վերջիններս թույլ են տալիս գնահատել լաբորատոր աշխատանքների իրազեկվածությունը, իսկ դրանց կանոնավոր մասնակցությունը հանդիսանում է հավատարմագրման պահանջներից մեկը՝ ըստ ԻՍՕ/ԻԷԿ 17025 միջազգային ստանդարտի, ինչն ունի շատ կարևոր նշանակություն:
Սեմինարը հնարավորություն է ընձեռել ստանալ տեղեկատվություն որակավորման ստուգման թեստերին (Proficiency Testing) մասնակցելու, որակավորման ստուգման թեստերի նմուշները ձեռք բերելու, համակարգում գրանցվելու, փորձարկման արդյունքները մուտքագրելու, արդյունքների վերաբերյալ հաշվետվություններ ձեռք բերելու, տարբեր լաբորատորիաների օրինակներով նրանց մասնակցության փորձի վերաբերյալ տեղեկատվություն ստանալու, ինչպես նաև հնարավորություն է տրվել մասնակիցներին կիսվել իրենց ունեցած փորձով և բարձրացնել որակավորման ստուգման թեստերի (Proficiency Testing) մասնակցության հետ կապված իրենց հուզող հարցերը:

Archive

«Փորձաքննությունների ազգային բյուրո» ՊՈԱԿ-ի փորձագետները մասնակցել են Եվրոպական Միության իրավապահ մարմինների ուսուցման գործակալության (CEPOL) փորձի փոխանակման ծրագրին

«Փորձաքննությունների ազգային բյուրո» ՊՈԱԿ-ի տնօրեն Ա. Հովսեփյանի նախաձեռնությամբ և ՀՀ ոստիկանության աջակցությամբ Եվրոպական Միության իրավապահ մարմինների ուսուցման գործակալության (CEPOL) փորձի փոխանակման ծրագրի երկրորդ փուլի գործարկման շրջանակներում 2019 թվականի հունիսի 02-ից 07-ը ներառյալ «Փորձաքննությունների ազգային բյուրո» ՊՈԱԿ-ի պայթյու¬նատեխնիկական և հրդեհատեխնիկական փորձաքննությունների բաժնի պետ Դ.Մելքումյանը և ձեռագրաբանական, հեղինակային և փաստաթղթաբանական փորձաքննությունների բաժնի ձեռագրաբանական և հեղինակային փորձաքննությունների բաժանմունքի պետ Մ. Ալոյանը գործուղվել են Ուկրաինա Հանրապետություն՝ Կիևի դատական փորձաքննությունների գիտահետազոտական ինստիտուտ:
Այցի ընթացքում կազմակերպության ներկայացուցիչները հանդիպել են Կիևի դատական փորձաքննությունների գիտահետազոտական ինստիտուտի ղեկավարության և համապատասխան բաժինների ղեկավարների և փորձագետների հետ, որի ընթացքում ծանոթացել են Կիևի դատական փորձաքննությունների գիտահետազոտական ինստիտուտում իրականացվող փորձաքննությունների տեսակներին և ենթատեսակներին, մասնավորապես՝ հրդեհատեխնիկական, էլեկտրատեխնիկական և աշխատանքի անվտանգության, ձեռագրաբանական ոլորտների կիրառվող հետազոտությունների մեթոդներին և մեթոդիկաներին, կադրային և նյութատեխնիկական հագեցվածությանը, արդիական նյութատեխնիկական բազային, ձեռագրերի ուսումնասիրմանն առաջադրվող խնդիրներին, զարգացման հեռանկարներին, լավագույն փորձին և տեխնոլոգիաներին, փորձագիտական ընթացակարգերին, կատարել փորձի փոխանակում գիտագործնական խնդիրների լուծման շրջանակներում: 
Ծրագրի շրջանակներում տեղի է ունեցել նաև այց Կիևի դատական փորձաքննությունների գիտահետազոտական ինստիտուտի Չերկասի բաժանմունք (ք.Չերկասի), ինչպես նաև Չերկասի Չերնոբիլի հերոսների անվան հրդեհային անվտանգության ինստիտուտ։ Գործուղման ընթացքում պատվիրակության ներկայացուցիչները այցելել են ինստիտուտի ժամանակակից տեխնիկական միջոցներով հագեցված լսարանները, վարժանքի կենտրոնը, այդ թվում նաև գազածխապաշտպանական համալիրը, ինչպես նաև հաստատության տարածքում գտնվող ուսումնական հրշեջ-փրկարար ստորաբաժանումը, որտեղ ցուցադրվել են հերթապահության մեջ գտնվող գործող տեխնիկան, փրկարար սարքավորումները և տեխնիկական միջոցները։ 
Գործուղման շրջանակներում ձեռագրաբանական և հեղինակային փորձաքննությունների բաժանմունքի պետ Մ. Ալոյանի կողմից անցկացվել է նաև սեմինար, որի ընթացքում ներկայացվել են տարբեր լեզուներով /պարսկերեն, արաբերեն, հայերեն, անգլերեն, ռուսերեն …/ ձեռագիր գրառումներով կատարվող ձեռագրաբանական փորձաքննությունների առանձնահատկությունների վերաբերյալ «Փորձաքննությունների ազգային բյուրո» ՊՈԱԿ-ի ձեռքբերումները, իրականացվել արդյունավետ քննարկում: 
Արդյունքում, «Փորձաքննությունների ազգային բյուրո» ՊՈԱԿ-ի և Կիևի դատական փորձաքննությունների գիտահետազոտական ինստիտուտի համապատասխան փորձագետների միջև ձևավորվել են փոխգործակցության ամուր կապեր, ինչը հնարավորություն կտա ակտիվ փոխգործակցություն ծավալելու ոչ միայն գործնական խնդիրների լուծման, այլ նաև համատեղ գիտահետազոտական աշխատանքների իրականացման շրջանակներում:

Archive

«Փորձաքննությունների ազգային բյուրո» ՊՈԱԿ-ի փորձագետները մասնակցել են ՀՀ-ում ԱՄՆ դեսպանության կողմից կազմակերպվող դասընթացին

«Փորձաքննությունների ազգային բյուրո» ՊՈԱԿ-ի տնտեսագիտական և հաշվապահական փորձաքննությունների բաժնի փորձագետներ Գ.Քոչարյանը և Լ. Իսահակյանը մասնակցել են ՀՀ-ում ԱՄՆ դեսպանության Թմրամիջոցների դեմ պայքարի և իրավապահ համագործակցության բաժնի կողմից ֆինանսավորված «Փողերի լվացում, տնտեսական հանցագործություններ, թաքնված ակտիվներ» թեմայով դասընթացին ս.թ. մայիսի 20-ից 24-ը: Դասընթացը նպատակ ուներ ուսուցանել հիմնականում փողերի լվացմամբ, մաքսանենգությամբ զբաղվող կազմակերպությունների և պետական մակարդակի կոռուպցիայի հետևանքով թաքնված ակտիվների բացահայտման գործիքակազմի, ֆինանսական ակտիվներին հետևելու ու գնահատելու և ֆինանսական միջոցների առգրավման և վերադարձման մեթոդները: Դասընթացի թեմաները ներառել են. պաշտոնեական լիազորությունների չարաշահմամբ հանցագործությունները, այդ հանցագործությունների դեմ պայքարելու համար կիրառվող մեթոդները, ինչպիսիք են կասկածելի գործարքների հաշվետվությունները և հաշիվներին հետևելը, ակտիվների բռնագրավումը, դատափորձագիտական հաշվապահությունը և վիրտուալ արժույթը: Դասընթացը վարել են FBI-ի Փողերի լվացման և Տնտեսական հանցագործությունների քննության ստորաբաժանումների ներկայացուցիչները:

Archive

«Փորձաքննությունների ազգային բյուրո» ՊՈԱԿ-ը շարունակում է մասնակցությունը Եվրոպական Միության իրավապահ մարմինների ուսուցման գործակալության (CEPOL) փորձի փոխանակման ծրագրին

Եվրոպական Միության իրավապահ մարմինների ուսուցման գործակալության (CEPOL) փոխանակման ծրագրի շրջանակներում 2019թ-ի մայիսի 19-ից 25-ը ներառյալ «Փորձաքննությունների ազգային բյուրո» ՊՈԱԿ էին գործուղվել Ուկրաինայի արդարադատության նախարարության Կիևի դատական փորձագիտության գիտահետազոտական ինստիտուտի փաստաթղթերի տեխնիկական հետազոտման բաժնի պետ Վիկտորիա Կուլիկովսկայան և նույն ինստիտուտի Չերկասի մասնաճյուղի առաջատար դատական փորձագետ Վիկտոր Ֆոնաբեն:
Ծրագրի նպատակն է դատական փորձաքննությունների բնագավառում փոխանակվել տարիների ընթացքում ձեռքբերված լավագույն փորձով, հնարավորություններով, կիրառվող մեթոդներով և տեխնոլոգիաներով, ինչպես նաև ծանոթանալ իրականացվող ծրագրերին և այլ ձեռքբերումներին: Եվրոպական Միության իրավապահ մարմինների ուսուցման գործակալության 2019 թվականի փորձի փոխանակման ծրագիրը (CEPOL) բաղկացած է երկու փուլից, որոնցից առաջինը տվյալ դեպքում տեղի ունեցավ Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ում, իսկ երկրորդ փուլը տեղի է ունենալու Ուկրաինայի արդարադատության նախարարության Կիևի դատական փորձագիտության գիտահետազոտական ինստիտուտում: 
Այցելության առաջին օրը պատվիրակության ներկայացուցիչները հանդիպել են «Փորձաքննությունների ազգային բյուրո» ՊՈԱԿ-ի ղեկավարության և մի շարք փորձագիտական ստորաբաժանումների անձնակազմի հետ, որի ընթացքում ծանոթացել են առկա ձեռքբերումներին, կազմակերպության կառուցվածքին և հիմնական գործառույթներին, տարբեր ուղղություններով իրականացվող փորձագիտական և գիտական աշխատանքներին, կազմակերպության փորձագիտական ստորաբաժանումների լաբորատորիաների հագեցվածությանը, կիրառվող արդի մեթոդներին ու մեթոդիկաներին, ընթացակարգերին, իրականացվող փորձաքննությունների տեսակներին ու ենթատեսակներին, առկա հնարավորություններին, խնդիրներին ու զարգացման հեռանկարներին: Ծրագրի շրջանակներում կազմակերպության փորձագիտական ստորաբաժանումների փորձագետներն ավելի ընդլայնված ներկայացրել են իրենց կողմից իրականացվող փորձաքննությունների տեսակները, փորձագիտական ստորաբաժանումների հնարավորություններն ու ձեռքբերումները, կիրառվող մեթոդական մոտեցումները և ընթացակարգերը, ինչպես նաև իրականացրել են հետազոտություններ՝ կիրառելով առկա տեխնիկական միջոցները և մեթոդաբանական հնարավորությունները, այդ թվում ձեռագրի կամ ստորագրության ընդհանուր և մասնավոր հատկանիշների, դրանց համընկնումների կամ տարբերությունների առանձնացման առումով: 
Երկու կառույցների փորձագետների կողմից համատեղ քննարկվել են ձեռագրաբանական, հեղինակային, փաստաթղթաբանական, պայթյունատեխնիկական և հրդեհատեխնիկական փորձաքննությունների իրականացման արդի հիմնախնդիրները, մոտեցումները, կիրառվող մեթոդները և տեխնիկական հնարավորությունները, փորձագետների մասնագիտական գիտելիքների կատարելագործման և վերապատրաստան գործընթացի արդյունավետության բարձրացմանն առնչվող այլ հարցեր:
Պատվիրակության ներկայացուցիչներն որակի ապահովման մասնագետների հետ քննարկել են նաև հարցեր ԻՍՕ 17025 ստանդարտի պահանջների համապատասխանեցման գործընթացի վերաբերյալ, ինչպես նաև տեղի են ունեցել քննարկումներ աշխատանքի անվտանգության պաշտպանության կառավարման համակարգի, ռիսկերի գնահատման, անվտանգության ապահովմանն ուղղված իրավական դաշտի և նորմատիվ իրավական ակտերի վերաբերյալ: 
Փորձի փոխանակման ծրագրի առաջին փուլի ընթացքում քննարկվել են նաև առաջիկայում համագործակցության շրջանակներում իրականացվելիք մի շարք հարցեր, որոնք թույլ կտան առավել խորը պատկերացում կազմել գործընկեր երկրների դատափորձագիտության բնագավառում իրականացվող փորձաքննությունների առանձնահատկությունների վերաբերյալ, ինչպես նաև հետագայում իրականացնել համատեղ գիտական աշխատանքներ և ծրագրեր:

Archive

«Փորձաքննությունների ազգային բյուրո» ՊՈԱԿ-ը շարունակում է զարգացնել համագործակցության կապերը Եվրոպական դատափորձագիտական կառույցների հետ՝ մասնակցելով ENFSI 31-րդ տարեկան համաժողովին

Դատափորձագիտական ինստիտուտների եվրոպական ցանցի (ENFSI-ի) քարտուղարության հրավերով 2019 թվականի մայիսի 27-ից հունիսի 02-ը «Փորձաքննությունների ազգային բյուրո» ՊՈԱԿ-ի պատվիրակությունը՝ տնօրեն Ա.Հովսեփյանի գլխավորությամբ գործուղվել են Իտալիայի Հանրապետություն քաղաք Հռոմ՝ մասնակցելու Դատափորձագիտական Ինստիտուտների Եվրոպական ցանցի (ENFSI-ի) 31-րդ տարեկան համաժողովին:
ENFSI 31-րդ տարեկան համաժողովին մասնակցում էին 37 երկրներից ավելի քան 69 անդամներ, այդ թվում՝ առաջատար փորձագիտական կենտրոնների տնօրեններ, մշտական ներկայացուցիչներ և աշխատակիցներ Ավստրիայից, Բելգիայից, Գերմանիայից, Պորտուգալիայից, Ուկրանիայից, Լատվիայից, Լիտվայից, Ռուսաստանի Դաշնությունից, Մեծ Բրիտանիայից, Ֆրանսիայից, Իսպանիայից, Չեխիայից, Էստոնիայից, Հունաստանից, Ռումինիայից, Սլովակիայից, Սլովենիայից, Վրաստանից, Շվեյցարիայից և այլ երկրներից:
Համաժողովի առաջին օրը պաշտոնական ելույթով հանդես են եկել Իտալիայի Հռոմ քաղաքի ազգային ոստիկանության դատափորձագիտական ծառայության ղեկավար, ENFSI-ի մշտական ներկայացուցիչ Ֆ.Լամպարելլին, ENFSI-ի նախագահ Էրկկի Սիպպոլան և ENFSI-ի այլ անդամներ:
Համաժողովի թեմատիկ օրերին, հաստատված օրակարգի համաձայն, ENFSI-ի Խորհրդի անդամները և Աշխատանքային խմբերի նախագահներն ելույթներ են ունեցել զեկույցներով և պրեզենտացիաներով 2018-2019թթ. իրականացված աշխատանքների արդյունքների և ձեռքբերումների, ինչպես նաև 2019-2020թթ. ակնկալվող ծրագրերի նախնական տարբերակների վերաբերյալ: Տեղի են ունեցել նաև քննարկումներ «Դատափորձագիտության ոլորտում թվային փոխակերպման ուղղությամբ», «Քայլեր եվրոպական դատափորձագիտության բնագավառի զարգացման ուղղությամբ», «ENFSI ռազմավարության մշակում» ծրագրերի վերաբերյալ, ինչպես նաև ներկայացվել են զեկույցներ և պրեզենտացիաներ՝ «Ծավալուն Տվյալների, արհեստական ինտելեկտի և մեքենայական ուսուցման», «Դատափորձագիտական լաբորատորիաների բենչմարքինգի ռազմավարության մշակման նպատակներով», «ՔԿՃՄ/CBRN հնարավորությունների», «Միգրացիայի և դատափորձագիտության վրա վերջինիս ազդեցության», «ENFSI-ի անդամակցության օգուտները» վերտառություններով, որից հետո տեղի են ունեցել նաև արդյունավետ քննարկումներ:
Ներկայացվել են նաև պրեզենտացիաներ Տեքստիլի և մազի, մատնահետքի և ԴՆԹ աշխատանքային խմբերի կատարված աշխատանքների վերաբերյալ, որոնց ընթացքում ամփոփվել են աշխատանքային խմբերում իրականացվող աշխատանքները, վերլուծվել մասնակից անդամների ակտիվությունը, ձեռքբերումները, ինչպես նաև PT (որակավորման ստուգում) և CE (համագործակցության վարժանք) մասնակցության անհրաժեշտությունը՝ խրախուսելով աշխատանքային խմբերի անդամների ակտիվ մասնակցությունը «լավագույն փորձի ձեռնարկների» մշակման աշխատանքներում:
Թեմատիկ օրվա ընթացքում Կազմակերպության պատվիրակության ներկայացուցիչները մասնակցել են նաև «ENFSI զարգացում-Մասնագիտական կամ կամավոր» թեմային նվիրված աշխատանքային քննարկմանը, որի նպատակն էր իրականացնել կազմակերպչական բարեփոխումներ, որոնք առավել կհամապատասխանեն անհրաժեշտ պահանջներին: Գիտաժողովի ընթացքում մասնակիցների կողմից քննարկվել և նշվել են ENFSI-ն ավելի ճանաչելի և ընդունելի ռազմավարությամբ և նշանակությամբ կառույց դարձնելուն ուղղված քայլերը, զարգացման և ընդլայնման հեռանկարներն ու հնարավորությունները: «Փորձաքննությունների ազգային բյուրո» ՊՈԱԿ-ի տնօրեն Ա.Հովսեփյանի կողմից ENFSI-ի Խորհրդին առաջարկվել է դիտարկել աշխատանքային խմբերի տարվա ընթացքում հանդիպումները նաև վեբինարների ձևով իրականացնելու հնարավորությունները, հաշվի առնելով այն հանգամանքը, որ Եվրամիության անդամ չհանդիսացող երկրների դատափորձագիտական կազմակերպությունների ներկայացուցիչների անմիջական մասնակցություններն ոչ միշտ է հնարավոր ապահովել՝ վիզային ռեժիմով, արտասահմանյան գործուղումների համար հատկացվող ֆինանսական միջոցների սղությամբ և այլ գործոններով պայմանավորված, իսկ վեբինարների ձևով իրականացումը հնարավորություն կընձեռի աշխատանքային խմբերում ներգրավված անդամների մասնակցությունն ապահովել բոլոր քննարկումներին: Նշված առաջարկն ընդունվել է քննարկման, հաշվի առնելով, որ այն կստեղծի իրատեսական հնարավորություններ աշխատանքային խմբերում փոխգործակցության և ակտիվ աշխատանքների ծավալման համար:
Տարեկան հանդիպման ընթացքում, որպես ENFSI-ի մշտական ներկայացուցիչ, «Փորձաքննությունների ազգային բյուրո» ՊՈԱԿ-ի տնօրեն Ա.Հովսեփյանի մասնակցությամբ տեղի են ունեցել քվեարկություններ ինչպես 2018-2019 թվականների գործողությունների ծրագրի, Խորհրդի զեկույցի ընդունման, այնպես էլ 2019-2020թ. գործողությունների ծրագրի նախագծի վերաբերյալ, ամփոփվել են նաև 2018թ. ընթացքում փորձագիտական աշխատանքային խմբերի (EWGs) կողմից իրականացված աշխատանքների արդյունքները: 
Համաժողովի ընթացքում տնօրեն Ա.Հովսեփյանը քննարկումներ է ունեցել մի շարք երկրների դատափորձագիտական կառույցների ղեկավարների հետ, որոնց ընթացքում գործընկերների հետ պայմանավորվածություններ են ձեռք բերվել ակտիվ փոխգործակցություն ծավալելու ուղղությամբ՝ նրանց հրավիրելով Հայաստանի Հանրապետություն մասնակցելու «Դատափորձագիտական գործունեության արդի հարցերը: Դատական փորձագիտության և քրեագիտության ժամանակակից խնդիրները, զարգացման միտումներն ու հեռանկարները» Միջազգային գիտագործնական գիտաժողովին՝ նվիրված Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ի հիմնադրման 15-ամյակին, որը տեղի է ունենալու 2019 թվականի սեպտեմբերի 25-ից 27-ը Երևան քաղաքում: Առանձին քննարկումներ են տեղի ունեցել նաև ENFSI-ի Ճանապարհային պատահարների վերլուծության փորձագիտական աշխատանքային խմբի ղեկավար Ռումինիայի ներկայացուցիչ Ֆլորին Ռուզիտորուի հետ՝ 2019թ. սեպտեմբերին աշխատանքային խմբի հերթական հանդիպումը, Կազմակերպության տնօրեն Ա.Հովսեփյանի հրավերի համաձայն Հայաստանի Հանրապետությունում անցկացնելու մանրամասների վերաբերյալ, որը գործուն հնարավորություն կընձեռի ապահովելու տվյալ բնագավառի հայաստանյան փորձագետների շփումը ENFSI-ի տվյալ աշխատանքային խմբի ներկայացուցիչների հետ՝ նպատակաուղղված Հայաստանի Հանրապետությունում ներդնելու տվյալ բնագավառի միջազգային առաջավոր փորձն ու հնարավորությունները:

Archive

Հոգեբանական փորձաքննությունների բնագավառում համագործակցության կապերի ընդլայնում Կալուգայի պետական համալսարանի հետ

Ռուսաստանի Դաշնության հոգեբանական միության Կալուգայի Կ.Է.Ցիալկովսկու անվան պետական համալսարանի հրավերով 2019 թվականի մայիսի 12-ից 18-ը «Փորձաքննությունների ազգային բյուրո» ՊՈԱԿ-ի հոգեբանական փորձաքննությունների բաժնի պետ Ա.Վարդանյանը գործուղվել է Ռուսաստանի Դաշնություն (Կալուգա)՝ մասնակցելու «Ձեռագրի հոգեբանական վերլուծություն դատական փորձաքննությունների մեջ» որակավորման բարձրացման վերապատրաստման ծրագրին և ռուս-շվեյցարական հավաստագրման սեմինարին, ինչպես նաև 2019 թվականի մայիսի 18-ին տեղի ունեցած «Ձեռագրի հետազոտման արդի վիճակը և հեռանկարները կիրառական գիտական հետազոտություններում» միջազգային գիտագործնական համաժողովին:
Որակավորման բարձրացման վերապատրաստման ծրագրի և միջազգային գիտագործնական համաժողովի աշխատանքների ընթացքում ներկայացվել են ձեռագրերի հոգեբանական վերլուծության շրջանակներում դատական հոգեբանական հետազոտության նորագույն մեթոդները, կիրառական գիտական հետազոտություններում ձեռագրերի ուսումնասիրման խնդիրները, զարգացման հեռանկարները, լավագույն փորձը, ինչպես նաև իրականացվել են քննարկումներ՝ ներկայացնելով դատահոգեբանական և ձեռագրաբանական փորձաքննությունների բնագավառում միջազգային առաջավոր փորձը, տվյալ ուղղություններով կիրառվող արդի մեթոդների և մեթոդիկաների հնարավորությունները:
Արդյունքում առաջիկայում «Փորձաքննությունների ազգային բյուրո» ՊՈԱԿ-ում մշակվելու և գործնականում առաջին անգամ ներդրվելու է ձեռագրերի հոգեբանական վերլուծության գիտականորեն հիմնավորված նոր մեթոդ, ինչը իր հերթին հնարավորություն կտա ժամանակակից համակարգչային տեխնոլոգիաների, գրաֆիկական և մաթեմատիկական մոդելավորման միջոցով վերլուծել և մեկնաբանել ձեռագրերը, որը կարևորագույն միջոց է հանդիսանում անձի հոգեբանական առանձնահատկությունների և հուզական վիճակի հետազոտման համար: 
Տեղի ունեցած միջազգային գիտագործնական համաժողովին ելույթներ են ունեցել Ռուսաստանի Դաշնության Հոգեբանական Միության Կալուգայի Կ.Է.Ցիալկովսկու անվան պետական համալսարանի ընդհանուր և իրավաբանական հոգեբանության ամբիոնի վարիչ, հ.գ.դ. Ե.Լեոնովան, նույն համալսարանի դատական փորձաքննությունների և քրեաբանության գիտագործնական կենտրոնի տնօրեն, հ.գ.դ., պրոֆեսոր Վ.Ենգալիչևը, Շվեյցարիայի Համադաշնության, Ղազախստանի Հանրապետության, Ուզբեկստանի Հանրապետության, Էստոնիայի Հանրապետության ներկայացուցիչ փորձագետներ, քրեաբաններ և այլ պատվավոր հյուրեր: Դասընթացի ընթացքում հնչել են զեկույցներ ձեռագիր տեքստի հեղինակի անհատական առանձնահատկությունների հոգեբանական վերլուծության, ձեռագրում արտացոլվող վարքի, ինքնակառավարման հոգեֆիզիոլոգիական օրինաչափությունների, ձեռագիր տեքստի հեղինակի անհատական հոգեբանական առանձնահատկությունների հոգելինգվիստիկական ցուցանիշների, ձեռագրի հոգեսեմանտիկայի, ձեռագրի տարրերի ընթերցման և վերլուծության, ինչպես նաև այլ թեմաների վերաբերյալ: 
Տեղի են ունեցել նաև գիտաագործնական քննարկումներ Ռուսաստանի Դաշնության հոգեբանական միության Կալուգայի Կ.Է.Ցիալկովսկու անվան պետական համալսարանի ընդհանուր և իրավաբանական հոգեբանության ամբիոնի վարիչ, հ.գ.դ. Ե.Լեոնովի, նույն համալսարանի դատական փորձաքննությունների և քրեաբանության գիտագործնական կենտրոնի տնօրեն, հ.գ.դ., պրոֆեսոր Վ.Ենգալիչևի, Մոսկվայի պետական համալսարանի հոգեբանության ֆակուլտետի նեյրո- և պաթոհոգեբանության ամբիոնի դոցենտ, իրավաբանական հոգեբանության ֆակուլտետի քրեական հոգեբանության ամբիոնի վարիչ, Ռուսաստանի Դաշնության հոգեբանների և հոգեբույժների ասոցիացիայի անդամ Ս.Ենիկոլոպովի, Շվեյցարիայի Համադաշնության Ցյուրիխի ձեռագրի ուսումնասիրման համալսարանի գիտական տնօրեն, տեխնիկական գիտությունների թեկնածու Յու.Չերնովի, ինչպես նաև հոգեբանական և հարակից բնագավառների այլ առաջատար մասնագետների հետ, որոնց ընթացքում վերլուծվել են դատահոգեբանական փորձաքննությունների բնագավառին առնչվող մի շարք կարևոր հարցեր և քննարկվել են առկա խնդիրներն և դրանց լուծման ուղիները, ինչպես նաև Ռուսաստանի Դաշնության համապատասխան կառույցների և Հայաստանի Հանրապետության «Փորձաքննությունների ազգային բյուրո» ՊՈԱԿ-ի միջև համագործակցության շրջանակների խորացման հնարավորություններն ու ուղղությունները՝ նպատակաուղղված համատեղ գիտական աշխատանքների իրականացմանը, ինչպես նաև փորձի փոխանակմանն ու գիտագործնական խնդիրների համատեղ լուծմանը։
Ծրագրի ավարտին Ա.Վարդանյանին տրվել է մասնագիտական որակավորման բարձրացման համապատասխան հավաստագիր և միջազգային գիտագործնական համաժողովի մասնակցության վկայական:

Archive

2019 թվականին «Փորձաքննությունների ազգային բյուրո» ՊՈԱԿ-ն ընդգրկվել է ISTC գործընկերային ծրագրում

Երկակի նշանակության ապրանքների արտահանման և ներկրման նկատմամբ վերահսկողության գործուն միջոցների մշակման նպատակով Միջազգային գիտատեխնիկական կենտրոնը /ISTC/ 2017-2018 թվականներին Աստանայում և Երևանում անցկացրել է շուրջ 3 հանդիպում-քննարկում «Երկակի նշանակության նյութերի և տեխնոլոգիաների փորձագիտական վերահսկողությունը Կենտրոնական Ասիայում և Հարավային Կովկասում» վերտառությամբ, որոնք իրականացվել են Եվրամիության կողմից ֆինանսավորվող երկակի նշանակության ապրանքների փորձագիտական վերահսկողության նախագծի շրջանակներում: «Փորձաքննությունների ազգային բյուրո» ՊՈԱԿ-ի աշխատակիցների մասնակցությունը տվյալ հանդիպում-քննարկմանը պայմանավորված էր այն հանգամանքով, որ երկակի նշանակության ապրանքների արտահանման, դրանց տարանցիկ փոխադրման, երկակի նշանակության տեղեկատվության և մտավոր գործունեության արդյունքների արտահանման և ներկրման նկատմամբ հսկողությունը ներկայումս հանդիսանում է ԱՊՀ երկրների համար կարևորագույն հարցերից մեկը և այն, որ ՀՀ ԳԱԱ «Փորձաքննությունների ազգային բյուրո» ՊՈԱԿ-ում 2016 թվականից գործում էր երկակի և ռազմական նշանակության ապրանքների և տեխնոլոգիաների (արտադրանքի) սերտիֆիկացման մարմին: 
2018 թվականի ընթացքում Միջազգային գիտատեխնիկական կենտրոնի /ISTC/ Քարտուղարության հանձնարարությամբ ստեղծված տեխնիկական փորձագետների աշխատանքային խմբի շրջանակներում, Ղազախստանի Միջուկային տեխնոլոգիայի անվտանգության ԳՏԿ-ի և Հայաստանի Հանրապետության «Փորձաքննությունների ազգային բյուրո» ՊՈԱԿ-ի կողմից մշակվել և ֆինանսավորման է ներկայացվել պիլոտային նախագիծ՝ քիմիական արդյունաբերության արտահանման վերահսկողության hամապատասխանության ներկազմակերպական ծրագրի համապարփակ մոդելի մշակման ուղղությամբ: Ծրագրի նպատակն է մշակել ներկազմակերպական արտահանման վերահսկման ուղեցույց՝ ապահովելով վերջիններիս ավելի լայն կիրառելիությունը Հայաստանի Հանրապետությունում, մասնավորապես՝ քիմիական և դեղագործական ոլորտներում:
2018 թվականի երկրորդ կիսամյակում Կազմակերպությունը Ղազախստանի միջուկային տեխնոլոգիայի անվտանգության ԳՏԿ-ի հետ համատեղ «Ներկազմակերպական արտահանման վերահսկման ծրագրի տիպային մոդելները միջուկային, քիմիական, կենսաբանական և ռադիոլոգիական ոլորտներում» ծրագրի նախագիծն ուղարկել է Միջազգային գիտատեխնիկական կենտրոնի /ISTC/ Քարտուղարությանը պայմանագրային փաստաթղթերի մշակման նպատակով: Արդյունքում, 2019 թվականի առաջին եռամսյակում ծրագիրն արժանացել է դրական գնահատականի և Միջազգային գիտատեխնիկական կենտրոնի /ISTC/ ֆինանսավորմամբ 2019 թվականի երկրորդ կիսամյակից սկսվելու են համապատասխան աշխատանքները, որի իրականացման պատշաճ գիտական ապահովման առումով նախատեսվում են Կազմակերպության համապատասխան աշխատանքային թիմի կողմից անհրաժեշտ հետազոտական աշխատանքների իրականացում: Ծրագիրն ավարտվելու է 2021 թվականին:
Ծրագիրն ուղղված է երկակի օգտագործման ապրանքների, տեխնոլոգիաների կամ տեղեկատվության կանխամտածված կամ պատահական ներկրման, արտահանման մեխանիզմների վերահսկման մշակմանը, չափորոշիչների որոշմանը, որոնք հնարավորություն կտան իրականացնել երկակի նշանակության ապրանքների փորձաքննություն, ինչպես նաև ապահովել երկակի օգտագործման նյութերի և տեխնոլոգիաների արտահանման պետական վերահսկողության իրականացումը և արտահանման վերահսկման համակարգի թափանցիկությունը:
Ծրագրի առաջին փուլում թարմացվելու են Ղազախստանում արդեն իսկ գործող ներկազմակերպական արտահանման վերահսկման ուղեցույցները, երկրորդ փուլում Կազմակերպությունը Ղազախստանի Միջուկային տեխնոլոգիաների անվտանգության կենտրոնի հետ համատեղ մշակելու է ընդհանուր ներկազմակերպական արտահանման վերահսկման ծրագիր և երրորդ փուլում մշակվելու է քիմիական և դեղագործական ոլորտների համար ներկազմակերպական արտահանման վերահսկման ուղեցույց-ձեռնարկ Հայաստանի Հանրապետության և Ղազախստանի Հանրապետության փորձի հիման վրա ԱՊՀ երկրների համար: 
Պետք է նշել, որ ծրագիրը հանդիսանում է Միջազգային գիտատեխնիկական կենտրոնի /ISTC/ գործընկերային ծրագրերից մեկը, որոնք հազվադեպ են Միջազգային գիտատեխնիկական կենտրոնի /ISTC/ դրական որոշման և ֆինանսավման արժանանում՝ և ֆինանսավորելով բացառապես, երբ թեման արդիական է և ունի գործնական կարևոր նշանակություն:

Archive

«Փորձաքննությունների ազգային բյուրո» ՊՈԱԿ-ում մեկնարկվել են ուսուցման, վերապատրաստման և որակավորման բարձրացման դասընթացները

Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» պետական ոչ առևտրային կազմակերպության կանոնադրության համաձայն Կազմակերպության կողմից ՀՀ գլխավոր դատախազության հետ կնքված լրացուցիչ կրթության ուսուցման ծառայությունների գնման պետական պայմանագրի շրջանակներում 2019 թվականի ապրիլի 08-ից մեկնարկվել է փորձաքննություններ նշանակելու լիազորություն ունեցող իրավասու մարմինների /նախաքննության, հետաքննության և այլ մարմինների աշխատակիցների/ ուսուցման, վերապատրաստման և որակավորման բարձրացման դասընթացների իրականացումը։ 
Այս տարի դասընթացներին ներգրավելու են ՀՀ դատախազության համակարգի դատախազներ, ՀՀ ոստիկանության Երևան քաղաքի վարչության և այլ ստորաբաժանումների իրավասու աշխատակիցներ, ՀՀ պաշտպանության նախարարության համակարգի իրավասու սպաներ և ռազմական ոստիկանության իրավասու աշխատողներ, ազգային անվտանգության ծառայության իրավասու աշխատակիցներ, դատական համակարգի իրավասու աշխատողներ, արդարադատության նախարարության քրեակատարողական հիմնարկների իրավասու աշխատողներ, ինչպես նաև իրավասու այլ մարմինների աշխատակիցներ: 
Դասընթացներն իրականացվում են Կազմա¬կերպության ուսուցման և որակավորման կենտրոնի և համապատասխան փորձագիտական բաժինների ղեկավարների և առաջատար փորձագետների, մասնագետների կողմից կազմված և կազմակերպության գիտական խորհրդի կողմից հաստատված ծրագրեր-սեղմագրերում ընդգրկված արդիական թեմաներին համապատասխան՝ ներառելով թվով 71 թեմաներ, ընդ որում, կազմակերպված դասընթացների նեղ մասնագիտական ուղղությունների ցանկը և ուսումնական ծրագրերը կազմվում են՝ հաշվի առնելով նորագույն գիտական նվաճումներն ու միջազգային առաջադեմ փորձը: 
«Փորձաքննությունների ազգային բյուրո» ՊՈԱԿ-ը հավատարիմ է իր որդեգրած սկզբունքներին, ի թիվս իր կանոնադրական մյուս գործառույթների իրականացման, նշված դասընթացների կազմակերպման միջոցով նպաստելով Հայաստանի Հանրապետությունում իրավապահ և արդարադատություն իրականացնող մարմիների գործունեության արդյունավետության բարձրացմանը:

Archive

«Փորձաքննությունների ազգային բյուրո» ՊՈԱԿ-ի պատվիրակությունը Ուկրաինայում մասնակցել է միջազգային գիտագործնական համաժողովին

Ուկրաինայի արդարադատության նախարարության պրոֆեսոր Ն.Ս.Բոկարիուսի անվան Խարկովի դատական փորձաքննությունների գիտահետազոտական ինստիտուտի տնօրեն, ի.գ.դ, պրոֆեսոր Ալեքսանդր Կլյուևի հրավերով 2019 թվականի ապրիլի 18-ից 20-ը «Փորձաքննությունների ազգային բյուրո» ՊՈԱԿ-ի պատվիրակությունը՝ տնօրեն Ա.Հովսեփյանի գլխավորությամբ գործուղվել են Ուկրաինայի Հանրապետություն քաղաք Խարկով՝ մասնակցելու «Դատական փորձագիտության և քրեագիտության արդի հարցերը» միջազգային գիտագործնական համաժողովին՝ նվիրված Ուկրաինայի արդարադատության նախարարության պրոֆեսոր Ն.Ս.Բոկարիուսի 150-ամյակին:
Միջազգային գիտագործնական համաժողովին մասնակցության հիմնական նպատակն էր դատափորձագիտական բնագավառում փոխանակել առկա տեսական և գործնական հնարավորությունները, գիտական հետազոտությունների արդյունքները, դիտարկել արտերկրում կատարվող հետազոտությունների արդյունքների ինտեգրման հնարավորությունները, ինչպես նաև ծանոթանալ դատափորձագիտական առաջատար կառույցների լավագույն փորձին և գործընկեր երկրներում դատափորձագիտական ոլորտի զարգացման գործընթացներին ու հեռանկարներին:
Միջազգային գիտագործնական համաժողովին ելույթներով հանդես են եկել Ուկրաինայի արդարադատության նախարարության պրոֆեսոր Ն.Ս.Բոկարիուսի անվան Խարկովի դատական փորձաքննությունների գիտահետազոտական ինստիտուտի տնօրեն, ի.գ.դ, պրոֆեսոր Ալեքսանդր Կլյուևը, Ուկրաինայի արդարադատության փոխնախարար, ի.գ.դ, Սվետլանա Գլուշենկոն, ինչպես նաև պետական մարմինների և բուհերի ղեկավարներ, միջազգային գործընկեր կառույցների ներկայացուցիչներ, այդ թվում նաև «Փորձաքննությունների ազգային բյուրո» ՊՈԱԿ-ի տնօրեն, բ.գ.թ. Արգամ Հովսեփյանը։
Միջազգային գիտագործնական համաժողովի ընթացքում հնչել են մի շարք ելույթներ նվիրված դատական փորձագիտության և քրեագիտության ոլորտների արդիական հիմնախնդիրներին, մեթոդների և միջլաբորատոր փորձարկումների վալիդացման միջազգային փորձին, քրեագիտության դերին, դատական փորձաքննության ոլորտը կարգավորող ազգային օրենսդրությանը, վերջինիս հետ կապված խնդիրներին և մարտահրավերներին, դատական փորձաքննությունների ոլորտում քաղաքականության մշակման և իրականացման գործընթացում սխալների կանխարգելմանը, դատական փորձագետի մասնագիտությունում առկա կոռուպցիոն ռիսկերի և փորձագիտական նեղ ոլորտների հիմնախնդիրներին, դատափորձագիտական նույնականացման մեթոդոլոգիայի արդի հարցերին և այլն: 
Համաժողովի ընթացքում տեղի են ունեցել քննարկումներ փորձագիտության բնագավառին առնչվող իրավական լուծումների շրջանակներում գործող օրենսդրական՝ դատավարական կարգավորումների, ինչպես նաև գործնական հարցերի վերաբերյալ: Ուկրաինայի արդարադատության նախարարության դատական փորձաքննության Լվովի գիտահետազոտական ինստիտուտի տնօրեն Օ.Ֆ.Կուրիլովայի, Ուկրաինայի արդարադատության նախարարության Օդեսայի դատական փորձաքննության գիտահետազոտական ինստիտուտի տնօրեն Ա.Ի.Ռիպենկոյի և Խարկովի տարածաշրջանային դատաբժշկական փորձաքննությունների բյուրոյի տնօրեն Յու.Ն.Կռաֆչենկոյի հետ քննարկվել են դատափորձագիտական ոլորտի զարգացման հեռանկարները և ուղղությունները, կիրառվող մեթոդները և մեթոդիկաները, համատեղ հետաքրքրություն ներկայացնող ոլորտներում համապատասխան խորհրդատվությունների և համատեղ աշխատանքների իրականացման ուղղությունները: 
Գիտաժողովի շրջանակներում շրջայց է կատարվել պրոֆեսոր Ն.Ս.Բոկարիուսի անվան Խարկովի դատական փորձաքննությունների գիտահետազոտական ինստիտուտում, որտեղ փորձագիտական բաժինների ղեկավարները ներկայացրել են իրենց վերջին ձեռքբերումները և առաջիկա նորարարական նախաձեռնությունները, ծանոթացվել է կիրառվող սարքերին, փորձագիտական հնարավորություններին և փորձաքննությունների առանձնահատկությունների վերաբերյալ ունեցած փորձին: Գիտաժողովի շրջանակներում Խարկովի տարածաշրջանային դատաբժշկական փորձաքննությունների բյուրոյի տնօրեն Յու.Ն.Կռաֆչենկոյի հրավերի համաձայն ճանաչողական այց է կատարվել դատաբժշկական փորձաքննությունների բյուրո, որտեղ տնօրեն Յու.Ն.Կռաֆչենկոյի կողմից ներկայացվել են բյուրոյի բոլոր ստորաբաժանումների աշխատանքները, կիրառվող մեթոդներն ու մեթոդիկաները, այց է կատարվել բյուրոյի տարածքում տեղակայված բժշկական ամբիոնի ուսումնական բազա, որտեղ ամբիոնի անձնակազմի կողմից մանրամասն ներկայացվել են դասընթացների կազմակերպչական, մասնագիտական և հետազոտամեթոդաբանական առկա մոտեցումները և մեթոդները, դիտակտիկ նյութերը, ինչպես նաև քննարկվել են ոլորտում առկա մի շարք կարևոր հիմնախնդիրները և հետագա համագործակցության հեռանկարները: 
Գիտաժողովի ընթացքում ճանաչողական այց է կազմակերպվել նաև Խարկովի ազգային բժշկական համալսարան, որտեղ համալսարանի ղեկավարության կողմից մանրամասն ներկայացվել են բուհում գործող ուսումնական ծրագրերը, ուսումնական գործընթացը, բուհական և հետբուհական ուսումնառության կազմակերպման առանձնահատկությունները, դատաբժշկական և դատափորձագիտության բնագավառներին վերաբերող այլ նեղ մասնագիտությունների գծով ուսումնառության կազմակերպման գործընթացը: 
Գիտաժողովի ընթացքում Խարկովի դատական փորձաքննությունների գիտահետազոտական ինստիտուտի հարակից տարածքում տեղի է ունեցել նաև Ուկրաինայի արդարադատության նախարարության պրոֆեսոր Ն.Ս.Բոկարիուսի հուշարձանի բացման արարողությունը:
 Պայմանավորվածություններ են ձեռք բերվել հաջորդ հանդիպումն իրականացնել Երևանում 2019 թվականի սեպտեմբեր ամսին:

Archive

«Փորձաքննությունների ազգային բյուրո» ՊՈԱԿ-ի պատվիրակությունը ՌԴ-ում մասնակցել է «Դատական բժշկության և փորձագիտական պրակտիկայի արդի հարցերը - 2019» Միջազգային համաժողովին

Ռուսաստանի Դաշնության դատաբժշկական փորձագետների ասոցիացիայի նախագահ, բ.գ.դ. պրոֆեսոր Վ.Ա.Կլևնոյի հրավերով 2019 թվականի ապրիլի 17-ից 18-ը «Փորձաքննությունների ազգային բյուրո» ՊՈԱԿ-ի տնօրեն Ա.Հովսեփյանը և դատաբժշկական փորձաքննությունների բաժնի պետ Կ.Մխիթարյանը, 2019 թվականի ապրիլի 17-ից 19-ը դատաբժշկական փորձաքննությունների բաժնի փորձագետներ Հ.Չախոյանը և Հ.Մխոյանը, որպես տվյալ ասոցիացիայի անդամներ, գործուղվել են Ռուսաստանի Դաշնություն (Մոսկվա)՝ մասնակցելու «Դատական բժշկության և փորձագիտական պրակտիկայի արդի հարցերը - 2019» միջազգային համաժողովին և դատաբժշկական փորձագետների ասոցիացիայի VI համագումարին: 
Միջազգային համաժողովին մասնակցում էին պատվիրակություններ Պորտուգալիայի, Ճապոնիայի, Գերմանիայի, Ռումինիայի և այլ երկրների դատաբժշկական փորձագիտական կազմակերպություններից, ինչպես նաև հրավիրված էին ներկայացուցիչներ Ռուսաստանի Դաշնության քննչական կոմիտեից, դատախազության համակարգից և այլ կառույցներից:
«Դատական բժշկության և փորձագիտական պրակտիկայի արդի հարցերը - 2019» միջազգային համաժողովին կազմակերպության ներկայացուցիչները ծանոթացել են դատական բժշկության տարբեր ուղղություններին վերաբերող արծարծված մի շարք արդիական հիմնախնդիրներին, փորձաքննությունների բնագավառում միջազգային առաջավոր փորձին, մասնակցել քննարկումներին՝ ծանոթանալով դատակենսաբանական, դատագենետիկական, դատաքիմիական և այլ ուղղություններով կիրառվող մեթոդներին ու մեթոդիկաներին և սարքավորումային հնարավորություններին, հատկապես դատագենետիկական փորձաքննություններին վերաբերող, որոնք նպատակաուղղված են գիտագործնական կապերի ընդլայնմանն ու ինտեգրմանը:
Միջազգային համաժողովին ելույթներով հանդես են եկել Ռուսաստանի Դաշնության դատաբժշկական փորձագետների ասոցիացիայի նախագահ, բ.գ.դ. պրոֆեսոր Վ.Ա.Կլևնոն, Ռուսաստանի դատաբժշկական փորձաքննությունների կենտրոնի տնօրեն, գլխավոր դատաբժշկական փորձագետ, բ.գ.դ. Ա.Վ.Կովալյովը և այլ պատվավոր հյուրեր: Առանձնացված սեկցիաների նիստերի ընթացքում հնչել են զեկույցներ դատական բժշկության և փորձագիտական պրակտիկայի տեսական, դատավարական, կազմակերպչական և մեթոդական հիմքերի, բուժաշխատողների մասնագիտական իրավախախտումների, ինչպես նաև դատագենետիկական փորձաքննությունների և այլ նեղ մասնագիտական ուղղվածությունների վերաբերյալ թեմաներով, բարձրացվել են հարցեր, որոնք վերաբերում են դատաքիմիական, մոլեկուլյար-գենետիկական, անձի նույնականացման, բժշկաքրեագիտական, հյուսվածքաբանական, բիոքիմիական և որոշ այլ ուղղություններով հետազոտություններին:
Կարևոր է նշել, որ համաժողովի ընթացքում տեղի են ունեցել մի շարք գործնական քննարկումներ Ռուսաստանի Դաշնության դատաբժշկական փորձագետների ասոցիացիայի նախագահ, Մոսկվայի շրջանի դատաբժշկական փորձաքննությունների բյուրոյի տնօրեն, բ.գ.դ. պրոֆեսոր Վ.Ա.Կլևնոյի, Ռուսաստանի դատաբժշկական փորձաքննությունների կենտրոնի տնօրեն, գլխավոր դատաբժշկական փորձագետ, բ.գ.դ. Ա.Վ.Կովալյովի, Ռուսաստանի Դաշնության առողջապահության նախարարության դատաբժշկական փորձաքննությունների կենտրոնի բարձր տեխնոլոգիաների հետազոտության գծով տնօրենի տեղակալ, կ.բ.դ. Պ.Լ.Իվանովի, Ռուսաստանի Դաշնության Իվանովոյի շրջանի դատաբժշկական փորձաքննությունների բյուրոյի պետ, բ.գ.դ. պրոֆեսոր Ս.Վ.Երաֆեևի, Ճապոնիայի Ակիտայի համալսարանի բժշկական բարձրագույն դպրոցի դատափորձագիտական ֆակուլտետի պրոֆեսոր Ս.Միմասակայի և տվյալ բնագավառի այլ առաջատար մասնագետների հետ: Ռուսաստանի դատաբժշկական փորձաքննությունների կենտրոնի տնօրեն, գլխավոր դատաբժշկական փորձագետ, բ.գ.դ. Ա.Վ.Կովալյովի հետ քննարկվել են դատագենետիկական և դատաբժշկական այլ ուղղություններով փորձաքննություների վերաբերյալ Սիրիայում և Իրաքում կատարված աշխատանքների ընթացքը, դատաբժշկության բնագավառին առնչվող հարցերն ու առկա խնդիրները, տարվող աշխատանքներում կիրառվող մեթոդներն ու մեթոդիկաները: Գործընկերների հետ պայմանավորվածություն է ձեռք բերվել ակտիվ փոխգործակցություն ծավալելու ուղղությամբ՝ 2019 թվականին հանդիպում նախաձեռնելով նաև Հայաստանի Հանրապետությունում: