Ֆոտոտեխնիկական, դիմանկարային, տեսա- և աուդիոձայնագրական փորձաքննությունների բաժին

Սերգեյ Սուրենի Բադալով
Ֆոտոտեխնիկական, դիմանկարային, տեսա- և աուդիոձայնագրական փորձաքննությունների բաժնի պետ

Ծնվել է 1948 թվականին:

Կրթությունը՝ Երևանի պոլիտեխնիկական ինստիտուտի տեխնիկական կիբերնետիկայի ֆակուլտետ,
ԽՍՀՄ ՆԳՆ ակադեմիայի իրավագիտական ֆակուլտետ:

Մասնագիտացումը՝ ռադիոինժեներ, իրավաբան:

Աշխատանքային գործունեությունը 1966թ-ից:

Փորձագիտական աշխատանքային գործունեությունը 2008թ-ից:

Բաժնի փորձագիտական գործունեության հիմնական ուղղություններն են՝

Տեսակ՝ տեսաձայնագրառման
Կոդ՝ 04
Ենթատեսակներ՝
04-01. ձայնի և հնչող խոսքի հետազոտություն
04-02. ձայնագրությունների ձայնային միջավայրի, պայմանների, միջոցների, նյութերի և հետքերի հետազոտություն
04-03. տեսապատկերների, տեսագրությունների պայմանների, միջոցների, նյութերի և հետքերի հետազոտություն

Տեսակ՝ ֆոտոտեխնիկական և դիմանկարային
Կոդ՝ 05
Ենթատեսակ՝
05-01. լուսանկարային պատկերների և նրանց պատրաստման տեխնիկական միջոցների հետազոտություն
05-02. լուսանկարային նյութերի հետազոտություն
05-03. մարդու նույնականացում լուսանկարային պատկերներով

Բաժնի կողմից կատարվում են փորձագիտական աշխատանքներ երեք հիմնական ուղղություններով՝

1. Ֆոտոտեխնիկական և դիմանկարային փորձաքննություն
   ֆոտոլուսանկարի/տեսապատկերի որակի լավացում, ավտոմատացված դիմանկարային նույնացում (վերջնական արդյունքը կրում է խորհդատվական բնույթ և կարող է հիմք հանդիսանալ դատական գապիտոսկոպիկ և դատա-անտրոպոլոգիական փորձաքննությունների համար):
2. Տեսաձայնագրային փորձաքննություն
   տեսաձայնագրող սարքի որոշում, տեսագրության հետազոտություն նրանում առկա մոնտաժի կամ համակարգչային մշակման հետքեր հայտնաբերելու նպատակով, տեսագրությունների թվայնացում (անալոգային տեսաազդանշանի ներկայացումը թվային տեսազդանշանի տեսքով), կոնկրետ տեսապատկերի առանձնացում, որակի լավացում և հետազոտություն:
3. Աուդիոձայնագրային փորձաքննություն
   ձայնագրության հետազոտություն նրանում առկա մոնտաժի կամ համակարգչային մշակման հետքեր հայտնաբերելու նպատակով, ձայնագրության որակի լավացում (վերծանում կատարելու նպատակով աղմուկներից մաքրում), անձի ձայնային նույնացում, ձայնագրության վերծանում՝ գործի հանգամանքներին վերաբերվող և վատ լսվող հատվածների վերծանում:

Ֆոտոտեխնիկական, դիմանկարային, տեսա- և աուդիոձայնագրային փորձաքննություններով լուծվող վերը նշված խնդիրները բաժանվում են երկու խմբի՝

Նույնացնող բնույթի խնդիրներ, որոնց դեպքում որոշվում են հետազոտվող օբյեկտների համընկնող և տարբերվող հատկանիշները (դիմանկարային և ձայնային նույնացում),

Հետազոտելի բնույթի խնդիրներ, որոնց դեպքում բացահայտվում են հետազոտվող օբյեկտների պատրաստման և մշակման եղանակները, օգտագործված տեխնիկական միջոցները, ինչպես նաև կատարվում է հետազոտվող օբյեկտի վերծանում (ձայնագրության դեպքում), լավացում (ձայնագրության և ֆոտոլուսանկարի/տեսապատկերի դեպքում) և դիագնոստիկ հետազոտություն (ֆոտոլուսանկարի/տեսապատկերի վրա պատկերված օբյեկտների և սուբյեկտների երկրաչափական չափսերի վերլուծություն, ակուստիկ միջավայրի որոշում):

E-mail: audiovideofoto@nbe.am