Տնտեսագիտական և հաշվապահական փորձաքննությունների բաժին
Վասիլի Վլադիմիրի Առուստամյան
Տնտեսագիտական և հաշվապահական փորձաքննությունների բաժնի պետ:
Ծնվել է 1952 թվականին:
Կրթությունը՝ Երևանի Պետական համալսարանի տնտեսագիտական ֆակուլտետ:
Մասնագիտացումը՝ տնտեսագետ:
Աշխատանքային գործունեությունը 1973թ.-ից:
Փորձագիտական աշխատանքային գործունեությունը 1973թ.-ից:
Դասախոսական աշխատանքային գործունեությունը 1985թ.-ից սկսած Հայաստանի Պետական տնտեսագիտական համալսարանի ֆինանսական ֆակուլտետում, դասախոսում է Տնտեսագիտական և հաշվապահական փորձաքննություն առարկան:
Հեղինակ է գիտական հոդվածների:
Տնտեսագիտական և հաշվապահական փորձաքննությունը դասվում է դատական փորձաքննությունների առավել տարածված տեսակների շարքը: Դրանց նշանակման անհրաժեշտությունը ծագում է, ինչպես սեփականության դեմ ուղղված հանցագործությունների քննության, այնպես էլ իրավաբանական անձանց, անհատ ձեռնարկատերերի միջև ձեռնարկատիրական գործունեության ոլորտում ծագող վեճերի դատաքննության ընթացքում: Բաժնի հիմնական նպատակն է հանդիսանում նշված ոլորտներում փորձաքննությունների և հետազոտությունների կատարումը:
Բացի փորձագիտական աշխատանքներից, բաժինը կատարում է նաև գիտամեթոդական, գիտահետազոտական, գիտատեխնիկական, գիտագործնական, գիտափորձնական, վերլուծական, գիտաուսումնական և այլ բնույթի գիտական աշխատանքներ:
Բաժինը ներկայումս իրականացնում է հետևյալ տեսակի փորձաքննություններ`
Տեսակ՝ տնտեսագիտություն
Կոդ՝ 15
Ենթատեսակներ՝
15-01. տնտեսվարող սուբյեկտի ֆինանսական վիճակի և ֆինանսատնտեսագիտական գործունեության ցուցանիշների հետազոտություն
15-02. տնտեսվարող սուբյեկտերի ֆինանսական արդյունքների և պարտավորությունների հաշվարկների վրա ազդող ֆինանսական ցուցանիշների տվյալների խեղաթյուրման նշանների և եղանակների հետազոտություն
15-03. տնտեսավարող սուբյեկտի գույքի և բաժանվող եկամուտի մեջ հիմնադիրների (փայատերերի) բաժնեմասային մասնակցության հաշվարկի հետազոտություն
15-04. տնտեսվարող սուբյեկտի պահանջի (կրեդիտի) օգտագործումը և վերադարձելիությունը, վարկունակությունը, վճարունակությունը բնութագրող ֆինանսական ցուցանիշների տվյալների խեղաթյուրման նշանների և եղանակների հետազոտություն
15-05. աշխատանքի վարձատրության չափի (մեծության) ձևավորումը բնութագրող ցուցանիշների հետազոտություն գործող նորմերից շեղումների հայտնաբերման նպատակով
15-06. հաշվապահական հաշվառման գրանցումների հետազոտություն նրանցում խեղաթյուրված տվյալների առկայության կամ բացակայության որոշման նպատակով
Բաժնի կողմից կատարվում են փորձագիտական աշխատանքներ հետևյալ ուղղություններով`
- Հարկային օրենսդրությանն առնչվող փորձաքննություններ:
- Մաքսատուրքերի, մաքսավճարների և ներմուծվող ապրանքների դիմաց մաքսային մարմինների կողմից գանձման ենթակա ավելացված արժեքի հարկի հաշվարկմանն առնչվող փորձաքննություններ:
- Պարտադիր սոցիալական ապահովագրության վճարներին առնչվող փորձաքննություններ:
- Ֆինանսավարկային օրենսդրությանն առնչվող փորձաքննություններ:
- Տնտեսավարող սուբյեկտների արտադրանքի թողարկման ու իրացման հաշվապահական հաշվառման կազմակերպմանը, ֆինանսական հաշվետվությունների ցուցանիշների, այդ թվում` զուտ շահույթի ծավալի հաշվարկմանը, դրա բաշխմանն ու օգտագործմանը, ինչպես նաև դեբիտորական ու կրեդիտորական պարտքերի ճշտմանն առնչվող փորձաքննություններ:
- Դրամական միջոցների և հաշվարկների հաշվառմանն առնչվող փորձաքննություններ:
- Աշխատանքի և աշխատավարձի հաշվառմանն առնչվող փորձաքննություններ:
- Ոչ նյութական ակտիվների, ֆինանսական ներդրումների և արժեթղթերի հաշվառմանն առնչվող փորձաքննություններ:
- Արտադրության ծախսերի հաշվառմանը և արտադրանքի ինքնարժեքի կալկուլյացիային առնչվող փորձաքննություններ:
- Պետական ձեռնարկությունների սեփականաշնորհման հետ կապված գործառնությունների հաշվառմանն առնչվող փորձաքննություններ:
