Համակարգչատեխնիկական փորձաքննությունների բաժին

Խաչատուր Ժիրայրի Հարությունյան
Համակարգչատեխնիկական փորձաքննությունների բաժնի պետ:

Ծնվել է 1984 թվականին:

Կրթությունը՝ Հայաստանի պետական ճարտարագիտական համալսարանի կիբեռնետիկայի ֆակուլտետ:

Մասնագիտացումը՝ Արդյունաբերական էլեկտրոնիկայի ինժեներ:

Աշխատանքային գործունեությունը 2001թ.-ից:

Փորձագիտական աշխատանքային գործունեությունը 2009թ.-ից:

Համակարգչատեխնիկական բաժնի հիմնական նպատակն է փորձաքննությունների կատարումը։ Փորձաքննության հիմնական օբեկտներն են համակարգիչները, կոշտ սկավառակները, հիշողության քարտերը, բջջային հեռախոսները, հեռախոսային քարտերը, թվային տեսագրիչները, լազերային սկավառակները և այլն:

Բացի փորձագիտական աշխատանքներից, բաժինը կատարում է նաև գիտամեթոդական, գիտահետազոտական, գիտատեխնիկական, գիտագործնական, գիտափորձնական, վերլուծական, գիտաուսումնական և այլ բնույթի գիտական աշխատանքներ։

Բաժնի փորձագիտական գործունեության հիմնական ուղղություններն են՝
Տեսակ՝ համակարգչատեխնիկական
Կոդ՝ 20
Ենթատեսակներ՝
20-01. Ցանցային հետազոտություն
20-02. Ծրագրերի հետազոտություն
20-03. Ինֆորմացիայի հետազոտություն, վերականգնում
20-04. Համակարգչային սարքավորումների հետազոտություն:

Բաժնի կողմից կատարվում են փորձագիտական աշխատանքներ երեք հիմնա­կան ուղղություններով՝

• Առկա տեղեկատվության ուսումնասիրություն՝ էլեկտրոնային նամակագրության և կցված ֆայլերի վերծանում, գրաֆիկական ֆայլերում պատկերի որոնում, տեքստային ֆայլերում տեղեկատվության որոնում, ծածկագրված ֆայլերի ծածկագրի հեռացում, համակարգչի գործածման վերաբերյալ տեղեկատվության վերծանում, բջջային հեռախոսների հեռախոսային քարտերում պարունակվող կարճ հաղորդագրությունների, հեռախոսային գրքույկում և վերջին զանգերի մատյանում առկա գրառումների վերծանում, բջջային հեռախոսների հիշողության մեջ պարունակվող տեղեկատվության վերծանում (կարճ հաղորդագրություններ, վերջին զանգերի մատյան, հեռախոսային գրքույկ, տարբեր տեսակի ֆայլեր):
• Ջնջված տեղեկատվության վերականգնում տարբեր տեսակի հիշողության կրիչներից (կոշտ սկավառակ, հիշողության կրիչ, լազերային սկավառակ և այլն), բջջային հեռախոսների հեռախոսային քարտերից, թվային տեսագրիչներից:
• Համակարգչային սարքավորումների հիմնական տեխնիկական հատկանիշների որոշում, աշխատունակության ստուգում:

E-mail: comptech@nbe.am