Որակի երաշխավորման և վերահսկողության բաժին

Լուսինե Ռոբերտի Ավետիսյան
Որակի երաշխավորման և վերահսկողության բաժնի պետ

Ծնվել է 1978 թվականին։

Կրթությունը՝ Մոսկվայի ժամանակակից հումանիտար ակադեմիայի և Սանկտ Պետերբուրգի արտաքին տնտե­սա­կան կապերի, էկոնո­մի­կա­յի և իրա­վուն­քի ինս­տի­տու­տի իրա­վա­բա­նա­կան ֆակուլտետներ, մասնագիտացումը՝ իրավաբան։

ՀՀ ԳԱԱ «Փորձաքննությունների ազգային բյուրո» ՊՈԱԿ-ի որակի երաշխավորման և վերահսկողութան բաժինը գործում է 2005 թվականից։

Բաժնի հիմնական գործառույթն է կազմակերպության կանո­նադրության շրջանակներում իրականացվող գործառույթների և փաստաթղթաշրջա­նառության համապատասխանեցումը ԻՍՕ 17025 միջազգային ստանդարտի պա­հանջ­ներին, որի արդյունքն է լինելու ՀՀ ԳԱԱ «Փորձաքննությունների ազգային բյուրո» ՊՈԱԿ-ի միջազգային հավատարմագրումը։

2009թ. II-III եռամսյակների ընթացքում կազմակերպությունում կատարվել է ISO 9001:2008 միջազգային ստանդարտի պահանջներին համապատասխան որակի կառավարման համակարգի ներդրման աշխատանքներ, որոնց ընթացքում կազմվել են կազմակերպության ստորաբաժանումների կանոնակարգերը, պաշտոնեական հրահանգները, կարգաբերվել են ստորաբաժանումների գործընթացները, մշակվել և ներդրվել են փաստաթղթերի և գրառումների կառավարման ընթացակարգերը, անհամապատասխանությունների գնահատման, ներքին աուդիտի, ղեկավարության կողմից վերլուծության, ուղղիչ և կանխարգելիչ գործողությունների, բարելավման լուծման, մատակարարների գնահատման կարգի ընթացակարգերը, որոնք ապահովում են որակի կառավարման համակարգի աշխատունակությունը և դրա արդյունավետության աստիճանական բարձրացումը։

Կատարված աշխատանքների արդյունքում 2009թ. հոկտեմբերի 19-ին կազմակերպությանը սերտիֆիկացնող մարմնի՝ ՀՀ էկոնոմիկայի նախարարության «Ստանդարտների ազգային ինստիտուտ» ՓԲԸ-ի կողմից շնորհվեց համապատասխանության սերտիֆիկատ, որով հավաստվում է այն, որ կազմակերպության կողմից մատուցվող ծառայությունների նկատմամբ ներդրված համակարգերը համապատասխանում են ISO 9001:2008 «Որակի կառավարման համակարգեր. Պահանջներ» միջազգային ստանդարտի պահանջներին։

Բացի վերը նշվածից կազմակերությունում արդեն իսկ ներդրվել են միջազգային պահանջներին համապատասխանող վարչական և անվտանգության կանոնակարգերը և ընթացա¬կարգերը, իսկ առողջության, որակի ապահովման, գույքի և իրեղեն ապացույցների ձեռնարկները գտնվում են տեղայնացման և ընդունման փուլերում։ Նշված կանոնակարգերի և ընթացակարգերի, ինչպես նաև ձեռնարկների ընդունումը նպատակ է հետապնդում ստեղծել միջազգային չափանիշներին համապատասխանող միասնական փաստաթղթային համակարգ։

Բաժինն իր գործառույթների շրջանակում համագործակցում է ՀՀ Էկոնոմիկայի նախարարության «Ստանդարտների ազգային ինստիտուտ» և «Չափագիտության ազգային ինստիտուտ» ՓԲ ընկերությունների հետ` նպատակ ունենալով կազմակերպության փորձագիտական ստորաբաժանումներում իրականացվող աշխատանքները համապատասխանեցնել պետական, միջպետական և միջազգային ստանդարտների պահանջներին, իսկ նրանց կողմից օգտագործվող սարք-սարքավորումները մշտապես պահել սարքին և ստուգաչափված վիճակում։

Բաժինը պարբերաբար իրականացնում է փորձագիտական անձնակազմի թեստավորումներ` նպատակ ունենալով վերստուգել անձնակազմի որակավորման և մասնագիտական հմտությունների առկա մակարդակը՝ անհրաժեշտության դեպքում ուսումնակրթական բաժնի հետ համատեղ կազմակերպելով որակավորման բարձրացման կամ վերապատրաստման դասընթացներ։

E-mail: qa@nbe.am